കൊച്ചി: ആക്രമണത്തിനിരയായ നടിയെ വിമര്ശിച്ച പി.സി ജോര്ജിനെതിരെ ആഞ്ഞടിച്ച് സംവിധായകന് ആഷിക് അബു.
പി സി ജോര്ജിനെതിരെയുള്ള വിമര്ശനം അദ്ദേഹം തന്റെ ഫേസ്ബുക്ക് പോസ്റ്റിലൂടെയാണ് അറിയിച്ചത്.
നാലഞ്ചുപേര് ഒന്നുറക്കെ മുദ്രാവാക്യം വിളിച്ചപ്പോ തോക്കെടുത്ത ധൈര്യശാലിയാണ് ജോര്ജെന്നും, എല്ലായിടങ്ങളിലും ആ തോക്ക് നിരന്തരം നിറയൊഴിക്കുകയാണെന്നും, എപ്പോഴും കൈവശമുള്ള തോക്കിന്റെ ധൈര്യത്തിലാണ് പൂഞ്ഞാര് വിപ്ലവകാരിയുടെ ആക്രോശമെന്നും അദ്ദേഹം ഫെ്സ്ബുക്ക് പോസ്റ്റിലൂടെ പറഞ്ഞു.
ഫെയ്സ്ബുക്ക് പോസ്റ്റിന്റെ പൂര്ണരൂപം
നാലഞ്ചുപേര് ഉന്നുറക്കെ മുദ്രാവാക്യം വിളിച്ചപ്പോ തോക്കെടുത്ത ‘ധൈര്യശാലി ‘യായ ജനപ്രതിനിധിയാണ് ശ്രീമാന് ജോര്ജ്. ആ തോക്ക് അദ്ദേഹം താഴെ വെക്കാറില്ല, ടി വി ക്യാമറക്ക് മുന്നിലും കവലകളിലും സാമൂഹ്യ മാധ്യമങ്ങളിലും ‘തോക്ക് ‘ നിരന്തരം, നിര്ലോഭം നിറയൊഴിച്ചുകൊണ്ടിരിക്കുന്നു. ആ തോക്കിന്റെ ധൈര്യത്തിലാണ് പൂഞ്ഞാര് വിപ്ലവകാരിയുടെ ആക്രോശങ്ങള്. എത്രകാലം പ്രബുദ്ധകേരളം ഈ കളികണ്ടുകൊണ്ടിരിക്കും എന്നത് കൗതുകമുള്ള കാര്യമാണ്. കാത്തിരിക്കുക തന്നെ !