തിരുവനന്തപുരം: സംസ്ഥാന സര്‍ക്കാര്‍ കൊണ്ടുവന്ന പൊലീസ് നിയമ ഭേദഗതിയുമായി ബന്ധപ്പെട്ട് വിവിധ തലത്തില്‍ നിന്ന് ആശങ്ക ചൂണ്ടിക്കാണിച്ചാല്‍ തീരുമാനം തിരുത്തുന്നതാണ് ജനാധിപത്യ മാതൃകയെന്ന് സിപിഎം സംസ്ഥാന സെക്രട്ടറി എ. വിജയരാഘവന്‍. ഭേദഗതി നിയമത്തില്‍ ഉയര്‍ന്നുവന്ന സദുദ്ദേശപരമായ നിര്‍ദ്ദേശങ്ങളുടെ പശ്ചാത്തലത്തിലാണ് മുഖ്യമന്ത്രി കാര്യങ്ങള്‍ വ്യക്തമാക്കിയതെന്നും വിജയരാഘവന്‍ പറഞ്ഞു.
അതേസമയം, ബാര്‍ കോഴക്കേസില്‍ പിണറായി വിജയന്‍ ഇടപെട്ടിട്ടില്ലെന്നും വിജയരാഘവന്‍ വിശദീകരിച്ചു. കേസുകളില്‍ ഇടപെടുന്ന സ്വഭാവം മുഖ്യമന്ത്രിക്കില്ല. ബാര്‍കോഴയ്ക്കായി പണം കൊടുത്തുവെന്ന പട്ടികയില്‍ ഇടതുപക്ഷക്കാരില്ലെന്നും അദ്ദേഹം പറഞ്ഞു.
