ധരംശാല: ധരംശാല ക്രിക്കറ്റ് സ്റ്റേഡിയത്തില് രണ്ടാംദിവസവും മികച്ച കാഴ്ചകള് സമ്മാനിച്ച് ഇന്ത്യന് ടീം. ഒരു വിക്കറ്റ് നഷ്ടത്തില് 135 റണ്സ് എന്ന നിലയില്നിന്ന് രണ്ടാംദിവസം തുടങ്ങിയ ഇന്ത്യ, 35 ഓവര് പിന്നിട്ടപ്പോള് 162 റണ്സെടുത്തു. വിക്കറ്റ് നഷ്ടപ്പെട്ടിട്ടില്ല. അര്ധ സെഞ്ചുറിയോടെ രോഹിത് ശര്മയും (64) ശുഭ്മാന് ഗില്ലും (34) ആണ് ക്രീസില്.
15 ഓവറില് 72 റണ്സ് വിട്ടുനല്കിയാണ് കുല്ദീപ് അഞ്ചുവിക്കറ്റ് നേടിയത്. ഇംഗ്ലണ്ടിന്റെ ആദ്യത്തെ നാല് വിക്കറ്റും കുല്ദീപിനായിരുന്നു. 11.4 ഓവര് എറിഞ്ഞ് 51 റണ്സ് വിട്ടുനല്കിയാണ് അശ്വിന് തന്റെ നൂറാം ടെസ്റ്റ് മത്സരം നാല് വിക്കറ്റ് നേട്ടത്തോടെ ഗംഭീരമാക്കിയത്. ജഡേജ 10 ഓവറില് 17 റണ്സ് വിട്ടുനല്കി ഒരു വിക്കറ്റെടുത്തു.
ഹിമാചല്പ്രദേശിലെ ധരംശാല ക്രിക്കറ്റ് സ്റ്റേഡിയത്തില് വ്യാഴാഴ്ച ആരംഭിച്ച ടെസ്റ്റില് ടോസ് നേടി ആദ്യം ബാറ്റുചെയ്ത ഇംഗ്ലണ്ട് 218 റണ്സിന് പുറത്തായിരുന്നു. ഇന്ത്യന് സ്പിന്നര്മാരായ കുല്ദീപ് യാദവും രവിചന്ദ്രന് അശ്വിനുമാണ് സന്ദര്ശകരുടെ കഥകഴിച്ചത്. കുല്ദീപ് അഞ്ചും അശ്വിന് നാലും രവീന്ദ്ര ജഡേജ ഒന്നും വിക്കറ്റുകള് നേടി.