ന്യൂഡല്ഹി: അന്താരാഷ്ട്ര വനിതാദിനമായ ഇന്ന് ഡല്ഹി അതിര്ത്തിയിലെ കര്ഷക പ്രതിഷേധത്തിന് നേതൃത്വം നല്കാന് വനിതകള് രംഗത്ത്. പഞ്ചാബ്, ഹരിയാന, ഉത്തര് പ്രദേശ് എന്നിവിടങ്ങളില് നിന്നുള്ള നാല്പ്പതിനായിരത്തോളം വനിതാകര്ഷകര് ഡല്ഹിയിലേക്ക് എത്തിച്ചേരും. ഞായറാഴ്ച രാവിലെയാണ് വനിതകളില് ഭൂരിഭാഗം പേരും ഡല്ഹിയിലേക്കുള്ള യാത്ര ആരംഭിച്ചത്.
സിംഘു, ടിക്രി, ഗാസിപുര് തുടങ്ങിയ പ്രതിഷേധ കേന്ദ്രങ്ങളിലേക്കാണ് വിവിധ സംസ്ഥാനങ്ങളില് നിന്നുള്ള വനിതകള് എത്തുക. എല്ലാ കാര്ഷിക സംഘടനകള്ക്കും വനിതാ വിഭാഗം ഉണ്ടെങ്കിലും ഏറ്റവും കൂടുതല് അംഗബലമുള്ളത് ഭാരതീയ കിസാന് യൂണിയ(ഉഗ്രഹന്)നാണ്. തിങ്കളാഴ്ച അന്താരാഷ്ട്ര വനിതാദിനം ആഘോഷിച്ച ശേഷം സ്ത്രീകള് വീടുകളിലേക്ക് മടങ്ങുമെന്നും കര്ഷക സംഘടനാ നേതാക്കള് അറിയിച്ചു.