മുംബൈ: തെക്കന്‍ മുംബൈയിലെ കഫേ പരേഡില്‍ ഒരു കുടുംബത്തിലെ മൂന്ന് പേര്‍ മരിച്ച നിലയില്‍.അച്ഛനും അമ്മയും മകനുമടങ്ങുന്ന മൂന്ന് പേരെയാണ് മരിച്ച നിലയില്‍ കണ്ടെത്തിയത്. പ്രാഥമിക പരിശോധനയില്‍ ആത്മഹത്യയാണെന്ന് സംശയിക്കുന്നതായി പൊലീസ് പറഞ്ഞു.
വെള്ളിയാഴ്ച വൈകുന്നേരത്തോട് കൂടി വീട്ടില്‍ നിന്നും ദുര്‍ഗന്ധം വമിച്ചതോടെ അയല്‍ക്കാരാണ് പൊലീസിനെ അറിയിച്ചത്. തുടര്‍ന്ന് അകത്തു നിന്നും പൂട്ടിയിരുന്ന വാതില്‍ തകര്‍ത്ത് വീടിനുള്ളിലേക്ക് കയറിയപ്പോഴാണ് അഴുകിയ നിലയില്‍ മൃതദേഹങ്ങള്‍ കണ്ടെത്തുന്നത്.
പ്രവീണ്‍ പട്ടേല്‍ (40), ഭാര്യ റീന (35), മകന്‍ പ്രഭു (11) എന്നിവരാണ് മരിച്ചത്. മകള്‍ മരിച്ചതോടു കൂടി ദമ്പതികള്‍ വിഷാദത്തിന് അടിമപ്പെട്ടിരുന്നതായി അയല്‍ക്കാര്‍ പറഞ്ഞു. സംഭവത്തില്‍ പൊലീസ് വിശദമായ അന്വേഷണം ആരംഭിച്ചിട്ടുണ്ട്.
