തിരുവനന്തപുരം: സംസ്ഥാനത്ത് ഇന്ന് 24 പേര്ക്ക് കോവിഡ് 19 സ്ഥിരീകരിച്ചു. മലപ്പുറം ജില്ലയില് നിന്നുള്ള 5 പേര്ക്കും കണ്ണൂര് ജില്ലയില് നിന്നുള്ള 4 പേര്ക്കും കോട്ടയം, തൃശൂര് ജില്ലകളില് നിന്നുള്ള 3 പേര്ക്ക് വീതവും തിരുവനന്തപുരം, കൊല്ലം, ആലപ്പുഴ ജില്ലകളില് നിന്ന് 2 പേര്ക്ക് വീതവും ഇടുക്കി, പാലക്കാട്, കാസര്ഗോഡ് ജില്ലകളില് ഓരോരുത്തര്ക്കുമാണ് രോഗം സ്ഥിരീകരിച്ചത്.
ഇതില് 14 പേര് വിദേശത്തു നിന്നും 10 പേര് മറ്റ് സംസ്ഥാനങ്ങളില് നിന്നും വന്നവരാണ്.അതേസമയം, രോഗം സ്ഥിരീകരിച്ച് ചികിത്സയിലായിരുന്ന 8 പേരുടെ പരിശോധനാഫലം നെഗറ്റീവ് ആയി. വയനാട് ജില്ലയില് നിന്നും 5 പേരുടെയും കോട്ടയം, എറണാകുളം, കോഴിക്കോട് ജില്ലകളില് നിന്നും ഒരാളുടെ വീതവും പരിശോധനാഫലമാണ് നെഗറ്റീവ് ആയത്. ഇനി 177 പേരാണ് രോഗം സ്ഥിരീകരിച്ച് ചികിത്സയിലുള്ളത്. 510 പേര് രോഗമുക്തരായി.
എയര്പോര്ട്ട് വഴി 5495 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 68,844 പേരും റെയില്വേ വഴി 2136 പേരും ഉള്പ്പെടെ സംസ്ഥാനത്ത് ആകെ 78,096 പേരാണ് എത്തിയത്.
അതേസമയം, വിവിധ ജില്ലകളിലായി 80,138 പേര് നിരീക്ഷണത്തിലാണ്. 79,611 പേര് വീടുകളിലും 527 പേര് ആശുപത്രികളിലും നിരീക്ഷണത്തിലാണ്. ഇന്ന് 153 പേരെയാണ് ആശുപത്രിയില് പ്രവേശിപ്പിച്ചത്. ഇതുവരെ 49,833 വ്യക്തികളുടെ സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 48,276 സാമ്പിളുകളുടെ പരിശോധനാഫലം നെഗറ്റീവ് ആണ്. കഴിഞ്ഞ 24 മണിക്കൂറിനുള്ളില് 1798 സാമ്പിളുകളാണ് പരിശോധിച്ചത്.
അതേസമയം, ഇന്ന് പുതുതായി 3 പ്രദേശങ്ങളെക്കൂടി ഹോട്ട് സ്പോട്ടിലാക്കിയിട്ടുണ്ട്. പാലക്കാട് ജില്ലയിലെ തൃക്കടീരി, ശ്രീകൃഷ്ണപുരം, കണ്ണൂര് ജില്ലയിലെ ധര്മ്മടം എന്നിവയാണ് പുതിയ ഹോട്ട് സ്പോട്ടുകള്. 8 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. നിലവില് 28 ഹോട്ട് സ്പോട്ടുകളാണ് ആകെ ഉള്ളത്.