കൊച്ചി : നടിയെ അക്രമിച്ച കേസിലെ മുഖ്യപ്രതി പള്സര് സുനി കേസിലെ കുറ്റപത്രം കൈപറ്റി. രാവിലെ അങ്കമാലി കോടതിയിലെത്തിയാണ് പള്സര് സുനി കുറ്റപത്രം കൈപറ്റിയത്. ഇനി 7 പ്രതികള് കുറ്റപത്രം കൈപ്പറ്റാനുണ്ട്.
തനിക്കെതിരായി കുറ്റപത്രത്തില് എന്തെല്ലാം പറഞ്ഞിട്ടുണ്ടന്ന് വായിച്ച് നോക്കട്ടെ എന്നായിരുന്നു സുനിയുടെ പ്രതികരണം. മറ്റ് പ്രതികള് ഉടന് കുറ്റപത്രം കൈപ്പറ്റുമെന്നാണ് സൂചന. കേസ് ഇനി ഈ മാസം 15നാണ് വീണ്ടും പരിഗണിക്കുന്നത്.
അതേസമയം കേസിലെ പ്രധാന തെളിവായ നടിയെ അക്രമിക്കുന്ന ദൃശ്യങ്ങളടങ്ങിയ മെമ്മറി കാര്ഡ് അടക്കമുള്ള തെളിവുകള് തനിക്ക് നല്കണമെന്ന് കാണിച്ച് ദിലീപ് അങ്കമാലി കോടതിയില് അപേക്ഷ നല്കാനൊരുങ്ങുകയാണ്. ലഭിച്ച കുറ്റപത്രത്തില് രേഖകളും തെളിവുകളും അപൂര്ണ്ണമാണെന്നാണ് ദിലീപിന്റെ ആരോപണം.