റിയാദ്: 2034ലെ ഏഷ്യൻ ഗെയിംസ് നടക്കുന്നത് സൗദി അറേബ്യയിൽ. ഒമാനിൽ ഒളിമ്പിക് കൗൺസിൽ ഓഫ് ഏഷ്യ ജനറൽ അസംബ്ലിയോട് അനുബന്ധിച്ച് നടന്ന വോട്ടെടുപ്പിലാണ് 2034ലെ ഏഷ്യാഡ് നടത്താനുള്ള അവസരം സൗദി അറേബ്യയ്ക്ക് ലഭിച്ചത്. 2030ലെ ഏഷ്യൻ ഗെയിംസ് ഖത്തറിനും 2034ലെ ഗെയിംസ് സൗദിക്കും ലഭിക്കുകയായിരുന്നു.
വോട്ടെടുപ്പിന്റെ അന്തിമ ഘട്ടത്തിൽ സൗദിയും ഖത്തറും മാത്രമേയുണ്ടായിരുന്നുള്ളൂ. റിയാദാണ് ഏഷ്യൻ ഗെയിംസിന് വേദിയാവുക. അതിനുള്ള പ്രാഥമിക ഒരുക്കം ആരംഭിച്ചു. ചരിത്രത്തിൽ ആദ്യമായാണ് സൗദി അറേബ്യ ഏഷ്യൻ ഗെയിംസ് നടക്കുന്നത്.
