2023 ബിഎംഡബ്ല്യു X7 ഫെയ്‌സ്‌ലിഫ്റ്റ് 1.22 കോടി രൂപ പ്രാരംഭ എക്സ്-ഷോറൂം വിലയിൽ ഇന്ത്യൻ വിപണിയിൽ അവതരിപ്പിച്ചു. താൽപ്പര്യമുള്ള ഉപഭോക്താക്കൾക്ക് ബിഎംഡബ്ല്യു ഡീലർഷിപ്പുകളിൽ പ്രാദേശികമായി നിർമ്മിച്ച ഈ എസ്‌യുവി ബുക്ക് ചെയ്യാം. പുതിയ X7-ന്റെ ഡെലിവറി 2023 മാർച്ച് മുതൽ ആരംഭിക്കും. പരിഷ്‌ക്കരിച്ച സ്‌റ്റൈലിംഗ്, കൂടുതൽ കരുത്തുറ്റ എഞ്ചിനുകൾ, നവീകരിച്ച ക്യാബിൻ എന്നിവയോടെയാണ് ഇത് വരുന്നത്.
X7 xDrive40i M Sport പെട്രോൾ, X7 xDrive40d M Sport എന്നീ രണ്ട് വേരിയന്റുകളിൽ പുതിയ X7 ഫേസ്‌ലിഫ്റ്റ് ലഭ്യമാണ്. യഥാക്രമം 1.22 കോടി രൂപയും 1.24 കോടി രൂപയുമാണ് വില. ഇത് മൂന്ന് മെറ്റാലിക് പെയിന്റ് ഓപ്ഷനുകളിൽ ലഭ്യമാണ്. മിനറൽ വൈറ്റ്, ബ്ലാക്ക് സഫയർ, കാർബൺ ബ്ലാക്ക് എന്നിവായണ് നിറങ്ങള്‍. ഇതോടൊപ്പം, എസ്‌യുവി ദ്രാവിറ്റ് ഗ്രേ, ടാൻസാനൈറ്റ് ബ്ലൂ എന്നിങ്ങനെ രണ്ട് എക്സ്ക്ലൂസീവ് ബിഎംഡബ്ല്യു വ്യക്തിഗത നിറങ്ങൾ വാഗ്ദാനം ചെയ്യുന്നു. ക്യാബിൻ അപ്ഹോൾസ്റ്ററി ടാർട്ടുഫോ, ഐവറി വൈറ്റ്, ബ്ലാക്ക് എന്നീ മൂന്ന് ഷേഡുകളിലും ലഭ്യമാണ്.
പുതിയ സ്പ്ലിറ്റ്-എൽഇഡി ഹെഡ്‌ലാമ്പ് സജ്ജീകരണവും സംയോജിത ലൈറ്റിംഗ് എലമെന്റോടുകൂടിയ പുതുക്കിയ കിഡ്‌നി ഗ്രില്ലും ഫീച്ചർ ചെയ്യുന്ന പരിഷ്‌ക്കരിച്ച ഫ്രണ്ട് ഫാസിയയുമായാണ് എസ്‌യുവി വരുന്നത്. എൽഇഡി ഡിആർഎൽസ് ബോണറ്റ് ലൈനിന് സമീപം സ്ഥാപിച്ചിരിക്കുന്നു, അതേസമയം പുതുക്കിയ ബമ്പറുകൾക്ക് സിൽവർ ട്രിം ഉണ്ട്. പുതുതായി രൂപപ്പെടുത്തിയ 20 ഇഞ്ച് വീലിലാണ് എസ്‌യുവി സഞ്ചരിക്കുന്നത്. പുതുക്കിയ LED ടെയിൽ-ലൈറ്റുകൾ ഒരു ക്രോം സ്ട്രിപ്പ് വഴി ബന്ധിപ്പിച്ചിരിക്കുന്നു.
ക്യാബിനിനുള്ളിൽ, പുതിയ ബിഎംഡബ്ല്യു X7-ന് സ്ലിം എയർ വെന്റുകളുള്ള റീസ്റ്റൈൽ ചെയ്ത ഇൻസ്ട്രുമെന്റ് കൺസോൾ ലഭിക്കുന്നു. ഏറ്റവും പുതിയ iDrive 8 സോഫ്‌റ്റ്‌വെയറുമായി 12.3-ഇഞ്ച് ഡിജിറ്റൽ ഇൻസ്ട്രുമെന്റ് കൺസോളും 14.9-ഇഞ്ച് ടച്ച്‌സ്‌ക്രീനും സമന്വയിപ്പിക്കുന്ന ബ്രാൻഡിന്റെ പുതിയ വളഞ്ഞ ഇൻഫോടെയ്ൻമെന്റ് സ്‌ക്രീൻ ഇതിനുണ്ട്. 4-സോൺ ഓട്ടോമാറ്റിക് ക്ലൈമറ്റ് കൺട്രോൾ, ഒരു പനോരമിക് സൺറൂഫ്, 14-കളർ ആംബിയന്റ് ലൈറ്റ് ബാർ, HUD, വെന്റിലേറ്റഡ് & ഹീറ്റഡ് ഫ്രണ്ട് സീറ്റുകൾ, ADAS ടെക് എന്നിവ ഇതിൽ സജ്ജീകരിച്ചിരിക്കുന്നു.
48V മൈൽഡ് ഹൈബ്രിഡ് സംവിധാനമുള്ള 3.0 ലിറ്റർ, ഇൻലൈൻ ആറ് സിലിണ്ടർ എഞ്ചിനാണ് എസ്‌യുവിയുടെ പെട്രോൾ പതിപ്പിന് കരുത്തേകുന്നത്. ഈ എഞ്ചിന് 381 ബിഎച്ച്പിയും 520 എൻഎം ടോർക്കും ഉൽപ്പാദിപ്പിക്കാൻ കഴിയും, ഇത് മുൻ മോഡലിനേക്കാൾ 41 ബിഎച്ച്പിയും 70 എൻഎം കൂടുതലുമാണ്. വെറും 5.8 സെക്കൻഡിൽ 0-100 കിലോമീറ്റർ വേഗത കൈവരിക്കുമെന്ന് അവകാശപ്പെടുന്നു.
മൈൽഡ് ഹൈബ്രിഡ് ടെക് ഉള്ള 3.0 എൽ ഇൻലൈൻ 6-സിലിണ്ടർ ഡീസൽ എഞ്ചിൻ ഇപ്പോൾ 340 ബിഎച്ച്പിയും 700 എൻഎം ടോർക്കും വാഗ്ദാനം ചെയ്യുന്നു. ഇത് ഔട്ട്‌ഗോയിംഗ് മോഡലിനേക്കാൾ 75 ബിഎച്ച്പിയും 80 എൻഎം കൂടുതലുമാണ്. പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ ഡീസൽ മോഡൽ വെറും 5.9 സെക്കന്റുകൾ മാത്രം മതി. 8-സ്പീഡ് ഓട്ടോമാറ്റിക് ഗിയർബോക്‌സുമായി യോജിപ്പിച്ച്, എഞ്ചിൻ ബിഎംഡബ്ല്യുവിന്റെ xDrive ഓൾ-വീൽ ഡ്രൈവ് സിസ്റ്റം വഴി എല്ലാ ചക്രങ്ങളിലേക്കും പവർ കൈമാറുന്നു. അഡാപ്റ്റീവ് എയർ സസ്പെൻഷനും ഇലക്ട്രോണിക് നിയന്ത്രിത ഡാംപറുകളും സ്റ്റാൻഡേർഡായി ഇത് വരുന്നു.
