അന്താരാഷ്ട്ര വിപണിയിൽ 2022 എൻ‌ഡ്യൂറോ ശ്രേണി വെളിപ്പെടുത്തി ഹസ്‌ഖ്‌വർണ മോട്ടോർസൈക്കിൾസ് TE, FE എന്നിങ്ങനെ രണ്ട് വ്യത്യസ്ത ശ്രേണികളിലായിട്ടാണ് ഇവ എത്തുന്നത്. എൻ‌ഡ്യൂറോ ലൈനപ്പിൽ ഏഴ് മോഡലുകൾ ഉൾപ്പെടുന്നു.
ആദ്യത്തെ (TE) ശ്രേണിയിൽ ടൂ-സ്ട്രോക്ക് എഞ്ചിനുകളുള്ള മൂന്ന് മോഡലുകൾ ഉൾപ്പെടുന്നു, രണ്ടാമത്തെ (FE) ശ്രേണിയിൽ ഫോർ-സ്ട്രോക്ക് പവർട്രെയിനുകൾ ഉപയോഗിക്കുന്ന ശേഷിക്കുന്ന നാല് മോഡലുകൾ ഉൾപ്പെടുന്നു.
TE 150i, TE 250i, TE 300i തുടങ്ങിയ മോഡലുകൾ ഹസ്‌ഖ്‌വർണ TE ശ്രേണിയിൽ ഉൾക്കൊള്ളുന്നു. പേര് സൂചിപ്പിക്കുന്നത് പോലെ, TE 150i 150 സിസി എഞ്ചിൻ ഉപയോഗിക്കുന്നു, TE 250i 250 സിസി എഞ്ചിനും, TE 300i 300 സിസി യൂണിറ്റും ഉപയോഗിക്കുന്നു.FE ശ്രേണിയിൽ യഥാക്രമം 250 സിസി, 350 സിസി, 450 സിസി, 511 സിസി ഫോർ-സ്ട്രോക്ക് എഞ്ചിനുകളുള്ള FE 250, FE 350, FE 450, FE 501 എന്നിവ ഉൾപ്പെടുന്നു.
പുത്തൻ കളർ സ്കീമുകളും യെല്ലോ ഹൈലൈറ്റുകൾ ഉൾക്കൊള്ളുന്ന ഗ്രാഫിക്സും ഉപയോഗിച്ച് പുതിയ 2022 എൻ‌ഡ്യൂറോ മോഡലുകൾ കമ്പനി അപ്‌ഡേറ്റുചെയ്‌തു. പുതിയ ശ്രേണിയിൽ ബ്രാക്ടെക് ബ്രേക്കുകളും ക്ലച്ച് സജ്ജീകരണവും നിർമ്മാതാക്കൾ ഒരുക്കിയിരിക്കുന്നു.
