ഹ്യുണ്ടായി ഇന്ത്യ 2022 വെന്യു പുറത്തിറക്കി. 7.53 ലക്ഷം രൂപ (എക്സ്-ഷോറൂം, ഓൾ ഇന്ത്യ) പ്രാരംഭ വിലയിലാണ് വാഹനം പുറത്തിറക്കിയത് എന്ന് കാർ വാലെ റിപ്പോർട്ട് ചെയ്യുന്നു. മൂന്ന് എഞ്ചിനുകളിലും ഒന്നിലധികം എക്സ്റ്റീരിയർ ഷെയിഡുകളിലും വാഹനം ലഭ്യമാണ്. പുതിയ വെന്യുവിന് സമഗ്രമായി പരിഷ്കരിച്ച മുൻഭാഗവും പുതിയ സവിശേഷതകളും കൂടുതൽ ഫീച്ചറുകളും ലഭിക്കുന്നു.
കാഴ്ചയിൽ, പുതിയ വെന്യുവിൽ ഒരു ചെറിയ ചതുരാകൃതിയിലുള്ള പാറ്റേണും കറുത്ത ചുറ്റുപാടുകളുമുള്ള പുതിയ ഫ്രണ്ട് ഗ്രില്ലും ഘടിപ്പിച്ചിരിക്കുന്നു. ഫോഗ് ലാമ്പുകൾക്ക് പകരം പുതിയ വിശാലമായ എയർ ഇൻലെറ്റുകൾ ലഭിക്കുന്ന പുനർനിർമ്മിച്ച ബമ്പറുകളിൽ ഹെഡ്ലാമ്പുകൾ ഘടിപ്പിച്ചിരിക്കുമ്പോൾ DRL-കൾ ബോണറ്റിന്റെ ഇരുവശത്തും ഉണ്ട്. ഒരു ക്രോം വിൻഡോ ലൈൻ, അലോയ് വീലുകൾക്കുള്ള പുതിയ ഡ്യുവൽ-ടോൺ ഡിസൈൻ, കണക്റ്റിംഗ് ലൈറ്റ് ബാറും പുതുക്കിയ ഗ്രാഫിക്സും ഉള്ള സ്പ്ലിറ്റ് ടെയിൽ ലാമ്പുകൾ എന്നിവയാണ് മറ്റ് മാറ്റങ്ങൾ.
അകത്ത്, ഡാഷ്ബോർഡ്, ഡോർ പാഡുകൾ, സീറ്റ് അപ്ഹോൾസ്റ്ററി എന്നിവയിൽ കറുപ്പ്, ബീജ് നിറങ്ങൾ ഉപയോഗിച്ച് ക്യാബിൻ ആധുനികമായി കാണപ്പെടുന്നു. എയർ പ്യൂരിഫയർ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഫോർ-സ്പോക്ക് സ്റ്റിയറിംഗ് വീൽ, റിക്ലൈനിംഗ് റിയർ സീറ്റുകൾ, ഇലക്ട്രിക്കലി അഡ്ജസ്റ്റ് ചെയ്യാവുന്ന ഡ്രൈവർ സീറ്റ് എന്നിവയും പുതിയ ഹ്യുണ്ടായ് വെന്യുവിൽ സജ്ജീകരിച്ചിരിക്കുന്നു.
പുത്തൻ വെന്യുവിൻറെ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം 10 പ്രാദേശിക ഭാഷകളിൽ അലക്സയുടെയും ഗൂഗിൾ അസിസ്റ്റന്റിന്റെയും പിന്തുണയോടെ അപ്ഡേറ്റ് ചെയ്തിട്ടുണ്ട്. 60 ൽ അധികം കണക്റ്റുചെയ്ത കാർ സവിശേഷതകൾ, ഓട്ടോമാറ്റിക് ക്ലൈമറ്റ് കൺട്രോൾ, ഇലക്ട്രിക് സൺറൂഫ്, പുഷ് സ്റ്റാർട്ട്/സ്റ്റോപ്പ് ബട്ടൺ, കൂൾഡ് ഗ്ലോവ്ബോക്സ് എന്നിവ ഉൾപ്പെടുന്നു.
ബോണറ്റിന് കീഴിൽ, 82 ബിഎച്ച്പിയും 114 എൻഎം ടോർക്കും സൃഷ്ടിക്കുന്ന 1.2 ലിറ്റർ പെട്രോൾ എഞ്ചിനും 118 ബിഎച്ച്പിയും 172 എൻഎം ടോർക്കും നൽകുന്ന 1.0 ലിറ്റർ ടർബോ പെട്രോൾ മോട്ടോറുമാണ് വെന്യുവിന് കരുത്തേകുന്നത്. 1.5 ലിറ്റർ ഡീസൽ ഡെറിവേറ്റീവിന് 99 bhp യും 240 എൻഎം ടോർക്കും ആണ് ഉത്പാദിപ്പിക്കുന്നത്. അഞ്ച് സ്പീഡ് മാനുവൽ, ആറ് സ്പീഡ് മാനുവൽ, ഐഎംടി, ഡിസിടി യൂണിറ്റ് എന്നിങ്ങനെ ഒന്നിലധികം ട്രാൻസ്മിഷൻ ഓപ്ഷനുകളും വെന്യുവിന് ലഭിക്കുന്നു.
ടാറ്റാ നെക്സോൺ , നിസാൻ മാഗ്നൈറ്റ് , മഹീന്ദ്ര എക്സ്യുവി300 , കിയ സോണറ്റ് , റെനോ കിഗർ , ടൊയോട്ട അർബൻ ക്രൂസർ , വരാനിരിക്കുന്ന മാരുതി സുസുക്കി വിറ്റാര ബ്രെസ ഫേസ്ലിഫ്റ്റ് എന്നിവയെ 2022 ഹ്യുണ്ടായ് വെന്യു നേരിടും .