വാഷിങ്ടണ്: ഇന്ത്യന് വംശജയായ വിദ്യാര്ത്ഥിനിയെ ഷിക്കാഗോയില് ക്രൂര ബലാത്സംഗത്തിനിരയാക്കിയ ശേഷം കഴുത്ത് ഞെരിച്ചുകൊന്നു. ഹെദരാബാദ് സ്വദേശിനിയായ യൂണിവേഴ്സിറ്റി ഓഫ് ഇല്ലിനോയ്സ് വിദ്യാര്ഥിയാണ് ക്രൂരമായി കൊലചെയ്യപ്പെട്ടത്. ശനിയാഴ്ച ക്യാമ്പസിനോട് ചേര്ന്ന് നിര്ത്തിയിട്ട കാറിന്റെ പിന്സീറ്റിലാണ് മൃതദേഹം കണ്ടെത്തിയത്.
സംഭവത്തില് ഡൊണാള്ഡ് തര്മന് എന്ന 26-കാരനെ പൊലീസ് അറസ്റ്റ് ചെയ്തു.ഷിക്കാഗോ മെട്രോ സ്റ്റേഷനില് വെച്ചാണ് ഇയാളെ അറസ്റ്റ് ചെയ്തത്. ക്യാമ്പസിലെ ക്യാമറകള് പരിശോധിച്ചാണ് അക്രമിയെ അറസ്റ്റ് ചെയ്തതെന്ന് പോലീസ് പറഞ്ഞു.കഴുത്ത് ഞെരിച്ചാണ് കൊലപ്പെടുത്തിയതെന്ന് പോസ്റ്റുമോര്ട്ടം റിപ്പോര്ട്ടില് വ്യക്തമാക്കിയിട്ടുണ്ട്.
വെള്ളിയാഴ്ച വൈകീട്ട് മുതല് പെണ്കുട്ടിയെ കാണാനില്ലെന്ന് കുടുംബം പോലീസില് പരാതി നല്കിയിരുന്നതായി ഇല്ലിനോയ്സ് യൂണിവേഴ്സിറ്റി പറഞ്ഞു. കുടുംബത്തിന്റെ ഉടമസ്ഥതയിലുള്ള കാറില് നിന്നാണ് മൃതദേഹം കണ്ടെത്തിയത്.