പതിനേഴുകാരി ബലാത്സംഗത്തിനിരയായി, പിതാവും കാമുകനും അറസ്റ്റില്‍

താനെ : മഹാരാഷ്ട്രയിൽ പതിനേഴുകാരിയെ കാമുകനും പിതാവും ബലാത്സംഗത്തിനിരയാക്കി. പെൺകുട്ടി ഗർഭിണി ആയതോടെ ഭ്രൂണഹത്യ നടത്തുകയും ചെയ്തു . റോഡിൽ ഉപേക്ഷിച്ച ഭ്രൂണം പൊലീസ് കണ്ടെത്തിയതോടെ ഈ ഞെട്ടിക്കുന്ന സംഭവം പുറംലോകം അറിഞ്ഞു . സംഭവത്തിൽ സ്​കൂൾ അധ്യാപകൻ കൂടിയായ 51കാരനായ പിതാവും 21 കാരനായ കാമുകനും അറസ്റ്റിലായി.

 

താനെയിലെ വസിന്ദ് ടൗണിൽ മൂന്ന് ദിവസം മുമ്പാണ് റോഡരികിൽ ഉപേക്ഷിച്ച ഭ്രൂണം പൊലീസ്​ കണ്ടെത്തിയത്. തുടർന്ന്​ നടത്തിയ അന്വേഷണത്തിലാണ് ഭ്രൂണം ഇരയുടേതാണെന്ന് വ്യക്തമായതെന്ന് അസിസ്റ്റൻറ്​ പൊലീസ് ഇൻസ്പെക്ടർ യോഗേഷ് ഗൗരവ് പറഞ്ഞു. അതേസമയം പിതാവും കാമുകനും നിരവധി തവണ ബലാത്സംഗം ചെയ്തുവെന്ന്​ പെൺകുട്ടി മൊഴി നൽകി. പീഡനത്തിനിരയായ പെൺകുട്ടിയുടെ മൊഴിയുടെ അടിസ്ഥാനത്തിൽ പ്രതികൾക്കെതിരെ ഇന്ത്യൻ പീനൽ കോഡ് സെക്ഷൻ 376 , പോക്സോ കേസുകൾ രജിസ്​റ്റർ ചെയ്തു. പ്രതികളെ ഡി.എൻ.എ പരിശോധനക്ക്​ വിധേയനാക്കുമെന്ന്​ പൊലീസ്​ അറിയിച്ചു.

Top