മൂന്നാര്: ഇടുക്കി രാജമല പെട്ടിമുടി ദുരന്തത്തില് മരിച്ച 16 പേരുടെ മൃതദേഹങ്ങള് കൂടി ഇന്ന് കണ്ടെത്തി. ഇതോടെ ദുരന്തത്തില് മരിച്ചവരുടെ എണ്ണം 42 ആയി.
ജില്ലാ പൊലീസ് സേനയുടെ പ്രത്യേക പരിശീലനം ലഭിച്ച ഡോഗ് സ്ക്വാഡിനെ ഉപയോഗിച്ച് നടത്തിയ പരിശോധനയിലാണ് മൃതദേഹം കണ്ടെത്തിയത്.
കേന്ദ്രമന്ത്രി വി. മുരളീധരന്, വനംമന്ത്രി കെ.രാജു, പ്രതിപക്ഷ നേതാവ് രമേശ് ചെന്നിത്തല, ഷാഫി പറമ്പില് എം.എല്.എ., ബി.ജെ.പി. സംസ്ഥാന അധ്യക്ഷന് കെ. സുരേന്ദ്രന് തുടങ്ങിയവര് ദുരന്തസ്ഥലം സന്ദര്ശിച്ചു.