ബാങ്കോക്ക്:തായ്ലന്ഡില് നിയന്ത്രണം വിട്ട ബസ് മരത്തിലിടിച്ച് 14 യാത്രക്കാര് മരിച്ചു. സര്ക്കാര് ഉടമസ്ഥതയിലുള്ള ട്രാന്സ്പോര്ട്ട് കമ്പനിയുടെ ബസാണ് അപകടത്തില്പ്പെട്ടത്. സംഭവത്തില് 20 ലധികം പേര്ക്ക് പരിക്കേറ്റു.49 പേരാണ് ബസില് ഉണ്ടായിരുന്നത്.തായ്ലന്ഡ് ഉള്ക്കടലിനും മ്യാന്മറിനും ഇടയിലുള്ള തീരപ്രദേശത്താണ് പ്രചുവാപ് ഖിരി ഖാന് പ്രവിശ്യ.വാഹനം റോഡില് നിന്ന് ഓടി ഹാറ്റ് വാനകോര്ണ് നാഷണല് പാര്ക്കിന് സമീപം മരത്തിലിടിക്കുകയായിരുന്നുവെന്ന് പോലീസ് ഉദ്യോഗസ്ഥന് പറഞ്ഞു.
പടിഞ്ഞാറന് പ്രവിശ്യയായ പ്രചുവാപ് ഖിരി ഖാനില് അര്ദ്ധരാത്രി ഒന്നരയോടെയാണ് അപകടം. അപകടത്തെത്തുടര്ന്ന് ബസിന്റെ മുന്ഭാഗം പകുതിയായി പിളര്ന്നതായി സ്റ്റേറ്റ് ബ്രോഡ്കാസ്റ്റര് തായ്പിബിഎസ് അറിയിച്ചു.
രക്ഷാപ്രവര്ത്തകര് അവശിഷ്ടങ്ങള്ക്കിടയില് നിന്ന് യാത്രക്കാരെ പുറത്തെടുത്തിട്ടുണ്ട്. പരിക്കേറ്റവരെല്ലാം ആശുപത്രിയില് ചികിത്സയിലാണ്. അപകടകാരണം അറിവായിട്ടില്ല. സംഭവത്തെക്കുറിച്ച് അന്വേഷിച്ചുവരികയാണെന്നും തായ്പിബിഎസ് കൂട്ടിച്ചേര്ത്തു.