ന്യൂഡല്ഹി: ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്കുകള് ഒഴിവാക്കുന്നതിന്റെ ഭാഗമായി 12 തരം പ്ലാസ്റ്റിക്കുകള് നിരോധിക്കാനൊരുങ്ങി കേന്ദ്രം. സമയമെടുത്തു ഇത്തരം പ്ലാസ്റ്റിക്കുകളുടെ ഉപയോഗം ഇല്ലാതാക്കുകയാണ് കേന്ദ്രസര്ക്കാര് ലക്ഷ്യമിടുന്നത്.
ഒറ്റത്തവണമാത്രം ഉപയോഗിക്കാവുന്ന പ്ലാസ്റ്റിക്കുകളുടെ ഉപയോഗം 2022-ഓടെ പൂര്ണ്ണമായും ഇല്ലാതാക്കാനുള്ള പദ്ധതി മലിനീകരണ നിയന്ത്രണ ബോര്ഡ് നടപ്പിലാക്കിവരികയാണ്. ഘട്ടംഘട്ടമായി എല്ലാം നിരോധിക്കുമെന്ന് കേന്ദ്രമന്ത്രി രാംവിലാസ് പാസ്വാന് വ്യക്തമാക്കി. നിരോധിക്കേണ്ട പ്ലാസ്റ്റിക് ഉത്പന്നങ്ങളുടെ പട്ടിക തയ്യാറാക്കി സര്ക്കാര് കേന്ദ്രമലിനീകരണ നിയന്ത്രണ ബോര്ഡിന് സമര്പ്പിക്കും. പ്ലാസ്റ്റിക് നിര്മ്മാണക്കമ്പനികളോട് നിരോധിക്കുന്ന പ്ലാസ്റ്റിക് ഉത്പന്നങ്ങള്ക്ക് പകരം വയ്ക്കാവുന്ന വസ്തുക്കള് നിര്ദ്ദേശിക്കാന് ആവശ്യപ്പെട്ടിട്ടുണ്ട്.
നിരോധിക്കുന്ന പ്ലാസ്റ്റിക് ഉത്പന്നങ്ങള്
സ്ട്രോ
കത്തി കപ്പുകള്
ബൗളുകള്
പ്ലേറ്റുകള്
ബലൂണുകള്
കൊടികള്
സിഗരറ്റ് ബഡ്സ്
തെര്മോകോള്
നോണ് വൂവണ് കാരി ബാഗ്സ്
ലാമിനേറ്റ് ചെയ്ത പാത്രങ്ങളും പ്ലേറ്റുകളും
ചെറിയ പ്ലാസ്റ്റിക് കപ്പുകളും പാത്രങ്ങളും
50 മൈക്രോണില് കുറഞ്ഞ കാരി ബാഗ്
ചെറിയ പൊതിയാനുപയോഗിക്കുന്ന കവറുകള്
ചെവിയിലുപയോഗിക്കുന്ന ബഡ്സിലെ പ്ലാസ്റ്റിക് ഭാഗം
100 മൈക്രോണ്സില് കുറഞ്ഞ റോഡ്സൈഡ് ബാനറുകള്
ബീവറേജുകളില് ഉപയോഗിക്കുന്ന ചെറിയ പ്ലാസ്റ്റിക്ക് വസ്തുക്കള്(200 മില്ലി ലിറ്ററില് കുറഞ്ഞത്)