കാബൂൾ: അഫ്ഗാനിസ്ഥാനിൽ വിവാഹ സംഘം സഞ്ചരിച്ച വാഹനം ബോംബ് സ്ഫോടനത്തിൽ തകർന്ന് ഒരു കുടുംബത്തിലെ 11 പേർ കൊല്ലപ്പെട്ടു.
കാബൂളിലെ ലോഗാർ പ്രവിശ്യയിൽ വെള്ളിയാഴ്ചയായിരുന്നു സംഭവം. മരിച്ചവരിൽ അഞ്ചു കുട്ടികളും അഞ്ച് സ്ത്രീകളും ഉൾപ്പെടും. സംഭവത്തിൽ രണ്ടു സ്ത്രീകളുൾപ്പെടെ മൂന്നു പേർക്ക് പരിക്കേറ്റു.
റോഡ് അരികിൽ സ്ഥാപിച്ചിരുന്ന ബോംബ് പൊട്ടിത്തെറിച്ചാണ് സ്ഫോടനം ഉണ്ടായത്. വിവാഹ സംഘം സഞ്ചരിച്ച ടൊയോട്ട സെഡാനാണ് തകർന്നത്. ആക്രമണത്തിന്റെ ഉത്തരവാദിത്വം ഭീകരസംഘടനകളൊന്നും ഏറ്റെടുത്തിട്ടില്ല.