യുവാവിനെ തല്ലിക്കൊന്ന് പൊലീസ് സ്റ്റേഷന് മുന്നിൽ ഉപേക്ഷിച്ച കേസിലെ പ്രതി ജയിൽ ചാടി. ഈ കേസിൽ നാലം പ്രതിയായ ബിനു മോനാണ് ഇന്ന് പുലര്‍ച്ചെ അഞ്ചരയോടെ ജില്ലാ ജയിലിൽ നിന്നും ചാടിയത്. ജയിൽ അടുക്കളയിൽ നിന്നും പലക വച്ചാണ് ഇയാൾ ചാടി രക്ഷപ്പെട്ടത്. പ്രധാന കവാടത്തിനോടുള്ള തൊട്ടാണ് അടുക്കള. മതിൽ ചാടി റോഡിലെത്തിയ ഇയാൾ ഇവിടെ നിന്നും കെ കെ റോഡിലേക്ക് പോയെന്നാണ് പൊലീസിന്റെ അനുമാനം.
ജയിൽ പരിസരത്ത് തന്നെയാണ് ക്രൈംബ്രാഞ്ച് ഓഫീസും എസ്.പി ഓഫീസും വിജിലൻസ് ഓഫീസും സ്ഥിതി ചെയ്യുന്നതെങ്കിലും ആരുടേയും ശ്രദ്ധയിൽപ്പെടാതെ ഇയാൾ മുങ്ങുകയായിരുന്നു. അഞ്ചരയോടെ സ്ഥലത്ത് എത്തിയ കോട്ടയം ഈസ്റ്റ് പൊലീസ് പ്രദേശത്ത് ആകെ തിരച്ചിൽ വ്യാപിപ്പിച്ചു. കെ കെ റോഡിൽ എത്തിയ ഇയാൾ ഏതെങ്കിലും വാഹനത്തിൽ കയറി രക്ഷപ്പെട്ടിരിക്കാമെന്നാണ് പൊലീസിന്റെ നിഗമനം,.
