ന്യൂയോര്‍ക്ക്: ഇന്ത്യന്‍ പ്രധാനമന്ത്രി നരേന്ദ്ര മോഡിയെ വാനോളം പുകഴ്ത്തി മാധ്യമ ചക്രവര്‍ത്തി റൂപര്‍ട്ട് മര്‍ഡോക്കിന്റെ ട്വീറ്റ്. സ്വാതന്ത്ര്യത്തിന് ശേഷം ഏറ്റവും മികച്ച നയങ്ങള്‍ രൂപീകരിച്ച ഏറ്റവും മികച്ച പ്രധാനമന്ത്രിയാണ് നരേന്ദ്ര മോഡിയെന്ന് റൂപര്‍ട്ട് മര്‍ഡോക്ക് ട്വിറ്ററില്‍ കുറിച്ചു. യുഎസില്‍ സന്ദര്‍ശനത്തിനെത്തിയ മോഡിയുമായി മര്‍ഡോക്ക് ഉള്‍പ്പെടെയുള്ള മാധ്യമ മേധാവികള്‍ കൂടിക്കാഴ്ച നടത്തിയിരുന്നു. ഇതിന് പിന്നാലെയാണ് മോഡിയെ പുകഴ്ത്തി മര്‍ഡോക്ക് ട്വീറ്റ് ചെയ്തത്.
സ്വാതന്ത്ര്യം മുതല്‍ മികച്ച പദ്ധതികളുള്ള മികച്ച നേതാവിനൊപ്പമുള്ള നല്ല നിമിഷങ്ങള്‍. പക്ഷേ ഏറ്റവും സങ്കീര്‍ണമായ രാജ്യത്ത് ഈ നയങ്ങള്‍ നടപ്പാക്കുകയെന്നത് വലിയൊരു വെല്ലുവിളിയും മര്‍ഡോക്ക് കുറിച്ചു. നേരത്തെ, യുഎസിലെ മാധ്യമ മേധാവികളുമായി കൂടിക്കാഴ്ച നടത്തിയ നരേന്ദ്ര മോഡി ബൗദ്ധിക സ്വത്തവകാശ നിയമസംരക്ഷണം ഉറപ്പു നല്‍കിയിരുന്നു.
