പോള്‍ വാക്കര്‍ അവസാനമായി അഭിനയിച്ച ഫ്യൂരിയസ് ചിത്രത്തിന്റെ ട്രെയ്‌ലര്‍ യുട്യൂബില്‍ തരംഗമാകുന്നു. ഫാസ്റ്റ് ആന്‍ഡ് ഫ്യൂരിയസ് ചിത്രങ്ങളുടെ ഏഴാം ഭാഗമാണ് ഫ്യൂരിയസ്7. ഫാസ്റ്റ് ആന്‍ഡ് ആന്‍ഡ് ഫ്യൂരിയസ് എന്നാണ് ചിത്രത്തിന് ആദ്യമിട്ടിരുന്ന പേര്. എന്നാല്‍ പിന്നീട് ഫ്യൂരിയസ് 7 എന്നാക്കി മാറ്റി. ട്രെയ്‌ലര്‍ ഇതിനകം തന്നെ വന്‍ ഹിറ്റായി മാറിയിരിക്കുകയാണ്.
പോള്‍വാക്കര്‍ ആരാധകര്‍ ഇഷ്ടനായകന്റെ അവസാന ചിത്രം കാണാന്‍ ആകാംഷയോടെ കാത്തിരിക്കുകയാണ്. 2013 നവംബര്‍ 30ന് കാറപകടത്തിലാണ് പോള്‍ വാക്കര്‍ മരിച്ചത്. ജെയിംസ് വാനാണ് ഫ്യൂരിയസ് 7 സംവിധാനം ചെയ്തിരിക്കുന്നത്. പോള്‍ വാക്കര്‍, വിന്‍ ഡീസല്‍, ടിയേഴ്‌സ് ഗിബ്സണ്‍ തുടങ്ങിയവരാണ് ചിത്രത്തിലെ മറ്റുതാരങ്ങള്‍. അടുത്ത വര്‍ഷം ഏപ്രിലില്‍ ചിത്രം തിയെറ്ററുകളില്‍ എത്തും.
