മുംബൈ: ടിക്കറ്റ് നിരക്കില്‍ ഇളവ് പ്രഖ്യാപിച്ച് ജെറ്റ് എയര്‍വേയ്‌സും. തങ്ങളുടെ ആഭ്യന്തരസര്‍വീസുകളില്‍ ബിസിനസ് ക്ലാസില്‍ യാത്ര ചെയ്യുന്നവര്‍ക്കാണ് ജെറ്റ് എയര്വെയ്സ് ഇളവ് പ്രഖ്യാപിച്ച് എത്തിയിരിക്കുന്നത്.
25 ശതമാനം ഓഫറാണ് കമ്പനി പ്രഖ്യാപിച്ചിരിക്കുന്നത്. ജൂണ്‍ എട്ട് മുതല്‍ പത്ത് വരെ ടിക്കറ്റ് ബുക്ക് ചെയ്യാം. ജൂണ്‍ 20 കഴിഞ്ഞുള്ള യാത്രനിരക്കിലാണ് ഇളവ്.
ഈ മാസം ജെറ്റ് എയര്വെയ്സ് പ്രഖ്യാപിക്കുന്ന രണ്ടാമത്തെ നിരക്ക് ഇളവാണിത്. സെപ്റ്റംബര്‍ 14 ന് ശേഷമുള്ള യാത്ര ടിക്കറ്റുകള്‍ക്ക് 30 ശതമാനം ഇളവ് മുമ്പ് പ്രഖ്യാപിച്ചിരുന്നു. ജൂണ്‍ ഒന്നിനും നാലിനും ഇടയില്‍ ബുക്ക് ചെയ്യുന്നവര്‍ക്കായിരുന്നു ഈ ഓഫര്‍.
