കോട്ടയം: പൊൻകുന്നം കൂരാലിയിൽ അരലിറ്ററിന്റെ 211 കുപ്പി മദ്യവുമായി ഹോട്ടലുടമ പിടിയിൽ. അരീപാറയ്ക്കൽ ശരത് ബാബുവാണ് പിടിയിലായത്. ഹോട്ടൽ കേന്ദ്രീകരിച്ച് അനധികൃത വിൽപനയ്ക്കായി സൂക്ഷിച്ചിരുന്ന മദ്യമാണിത്.
ഹോട്ടലിനോട് ചേർന്നുള്ള കെട്ടിടത്തിന്റെ രണ്ടാം നിലയിലാണ് വൻതോതിൽ മദ്യം സൂക്ഷിച്ചിരുന്നത്. ബീവറേജിൽനിന്ന് വാങ്ങി സൂക്ഷിച്ചശേഷം ഉയർന്ന വിലയ്ക്ക് വിൽക്കുകയായിരുന്നു. പോലീസ് മദ്യം വാങ്ങാനെന്ന വ്യാജേന എത്തിയാണ് ഇയാളെ പിടികൂടിയത്.