ഓപ്പോ എ52 സ്മാര്‍ട്ട്‌ഫോണിന്റെ പുതിയ വേരിയന്റ് ഇന്ത്യയില്‍ അവതരിപ്പിച്ചു. ആമസോണ്‍ പ്രൈം ഡേ 2020 സെയിലിന്റെ ഭാഗമായാണ് ഡിവൈസ് അവതരിപ്പിച്ചത്. ഓപ്പോ എ52 സ്മാര്‍ട്ട്‌ഫോണിന്റെ പുതിയ വേരിയന്റിന് 18,990 രൂപയാണ് വില.
സ്ട്രീം വൈറ്റ്, ട്വലൈറ്റ് ബ്ലാക്ക് കളര്‍ ഓപ്ഷനുകളില്‍ ഈ ഡിവൈസ് ലഭ്യമാകും. ആമസോണിലൂടെ ഈ ഡിവൈസ് വാങ്ങുമ്പോള്‍ നോ-കോസ്റ്റ് ഇഎംഐ, എക്‌സ്‌ചേഞ്ച് ഓഫറുകള്‍ എന്നിവയും ലഭിക്കും.
ആന്‍ഡ്രോയിഡ് 10 അടിസ്ഥാനമാക്കി കളര്‍ OS 7.1ലാണ് ഓപ്പോ A52 സ്മാര്‍ട്ട്‌ഫോണ്‍ പ്രവര്‍ത്തിക്കുന്നത്. 6.5 ഇഞ്ച് (1,080×2,400 പിക്‌സല്‍) ഡിസ്‌പ്ലേയാണ് ഡിവൈസിനുള്ളത്. ഈ ഡിസ്‌പ്ലെയ്ക്ക് 90.5 ശതമാനം സ്‌ക്രീന്‍-ടു-ബോഡി റേഷിയോയുണ്ട്. 8 ജിബി റാമുമായി ജോടിയാക്കിയ ഒക്ടാ കോര്‍ ക്വാല്‍കോം സ്നാപ്ഡ്രാഗണ്‍ 665 SoCയുടെ കരുത്തിലാണ് ഈ ഡിവൈസ് പ്രവര്‍ത്തിക്കുന്നത്. 128 ജിബി ഇന്‍ബില്‍റ്റ് സ്റ്റോറേജിനൊപ്പം മൈക്രോ എസ്ഡി കാര്‍ഡ് വഴി (256 ജിബി വരെ) വികസിപ്പിക്കാനുള്ള സംവിധാനവുമുണ്ട്.
ക്വാഡ് റിയര്‍ ക്യാമറ സെറ്റപ്പാണ് ഫോണില്‍ ഉള്ളത്. ഈ ക്യാമറ സെറ്റപ്പില്‍ 12 മെഗാപിക്‌സല്‍ മെയിന്‍ സെന്‍സറും അള്‍ട്രാ വൈഡ് ലെന്‍സുള്ള 8 മെഗാപിക്‌സല്‍ സെക്കന്‍ഡറി സെന്‍സറും ഉണ്ട്. ചതുരാകൃതിയിലുള്ള പിന്‍ ക്യാമറ മൊഡ്യൂളിലെ മറ്റ് രണ്ട് സെന്‍സറുകള്‍ 2 മെഗാപിക്‌സലാണ്. സെല്‍ഫികള്‍ക്കും വീഡിയോ കോളിംഗിനുമായി ഓപ്പോ എ52 8 മെഗാപിക്‌സല്‍ ക്യാമറയുമായാണ് വരുന്നത്. 5,000 എംഎഎച്ച് ബാറ്ററിയാണ് ഓപ്പോ എ52വില്‍ നല്‍കിയിട്ടുള്ളത്.
