എന്ട്രിലെവല് ലക്ഷുറി എസ്യുവിയായ എക്സ് വണ്ണിന്റെ എം സ്പോര്ട് പതിപ്പിനെ ബിഎംഡബ്ല്യു ഇന്ത്യന് വിപണിയിലിറക്കി. എം സ്പോര്ട്സ് പാക്കേജുള്ള പുതിയ പതിപ്പിന് 37.90 ലക്ഷം രൂപയാണ് താനെയിലെ എക്സ്ഷോറൂം വില.
പുതിയ ഡ്യുവല് ബീം പ്രൊജക്ടര് ഹെഡ് ലാംപുകള് , മുന്നിലെയും പിന്നിലെയും ബമ്പറില് വൃത്താകൃതിയുള്ള ചെറിയ ഫോഗ് ലാംപുകള് , വലുപ്പം കൂടിയ കിഡ്നി ഗ്രില് , ചില്ലറ മാറ്റങ്ങളുള്ള ഫ്രണ്ട് റിയര് ബമ്പര് , എം ബാഡ്ജുള്ള 18 ഇഞ്ച് അലോയ്സ് എന്നിവയാണ് പുറം കാഴ്ചയിലുള്ള പുതുമകള് .ലെതറില് പൊതിഞ്ഞ എം മള്ട്ടിഫങ്ഷന് സ്റ്റിയറിങ് വീല് , എം ഡോര് സില് , പുതിയ ഇന്സ്ട്രമെന്റ് പാനല് എന്നിവ ഇന്റീരിയറിലുണ്ട്.
എന്ജിനു മാറ്റമില്ല. രണ്ട് സിലിണ്ടര് , ട്വിന് പവര് ടര്ബോ ചാര്ജ്ഡ് , നാല് സിലിണ്ടര് ഡീസല് എന്ജിന് 181.4 ബിഎച്ച്പി 380എന്എം ആണ് ശേഷി. റിയര് വീല് ഡ്രൈവുള്ള എക്സ് വണ്ണിന് എട്ട് സ്പീഡ് ഓട്ടോമാറ്റിക്കാണ് ഗീയര്ബോക്സ്.