രാജ്യത്തെ പ്രമുഖ എസ്യുവി നിര്‍മ്മാതാക്കളായ മഹീന്ദ്ര ആൻഡ് മഹീന്ദ്രയ്ക്ക് 2022 സെപ്റ്റംബർ മികച്ച മാസമായിരുന്നു. കഴിഞ്ഞ മാസത്തെ വില്‍പ്പന കണക്കുകള്‍ പുറത്തുവരുമ്പോള്‍ കമ്പനിക്ക് കഴിഞ്ഞ വർഷം ഇതേ മാസത്തിലെ വില്‍പ്പനയുമായി താരതമ്യപ്പെടുത്തുമ്പോള്‍ വമ്പൻ വളര്‍ച്ചയാണ് ഉണ്ടായിരിക്കുന്നത്. 2021 സെപ്റ്റംബര്‍ മാസത്തിലെ 12,863 യൂണിറ്റുകളിൽ നിന്ന് ഈ സെപ്റ്റംബറില്‍ 34,508 യൂണിറ്റുകളാണ് മഹീന്ദ്ര വിറ്റത് എന്നാണ് കണക്കുകള്‍. ഇതനുസരിച്ച് 2കമ്പനി 168 ശതമാനം എന്ന വൻതോതിലുള്ള വാര്‍ഷിക വിൽപ്പന രേഖപ്പെടുത്തി.
അതേസമയം അടുത്തിടെ, പുതിയ മഹീന്ദ്ര സ്കോർപിയോ എൻ എസ്‌യുവിയുടെ ഡെലിവറി രാജ്യത്തുടനീളം ആരംഭിച്ചു. 2022 നവംബർ അവസാനത്തോടെ ഏകദേശം 25,000 സ്‌കോർപ്പിയോ എൻ കൈമാറാനാണ് വാഹന നിർമാതാക്കൾ ലക്ഷ്യമിടുന്നത്. മഹീന്ദ്രയുടെ ഭാവി പദ്ധതിയെക്കുറിച്ച് പറയുകയാണെങ്കില്‍, 2023 ജനുവരിയിൽ XUV400 ഇലക്ട്രിക് എസ്യുവി ലോഞ്ച് കമ്പനി സ്ഥിരീകരിച്ചു. ആദ്യ ഘട്ടത്തിൽ 16 നഗരങ്ങളിൽ മോഡൽ ലഭ്യമാക്കും.
പുതിയ മഹീന്ദ്ര XUV400-ന്റെ പവർട്രെയിൻ സജ്ജീകരണത്തിൽ 39.5kWH ബാറ്ററി പാക്ക് 148bhp മൂല്യവും 310Nm ടോർക്കും വാഗ്ദാനം ചെയ്യുന്നു. IP67 മാനദണ്ഡങ്ങൾ പാലിക്കുന്ന ഏറ്റവും മികച്ചതാണ് ഈ ബാറ്ററിയെന്ന് കമ്പനി അവകാശപ്പെടുന്നു. ഫുൾ ചാർജിൽ 456 കിലോമീറ്റർ (ഇന്ത്യൻ ഡ്രൈവിംഗ് സൈക്കിൾ – MIDC പ്രകാരം) ഇലക്ട്രിക് എസ്യുവി വാഗ്ദാനം ചെയ്യുന്നു. 8.6 സെക്കൻഡിൽ പൂജ്യത്തില്‍ നിന്ന് 100 കിലോമീറ്റർ വേഗത കൈവരിക്കാനും 150 കിലോമീറ്റർ വേഗത കൈവരിക്കാനും ഇതിന് കഴിയും.
XUV400 ന് മുമ്പ്, മഹീന്ദ്ര XUV300, ബൊലേറോ നിയോ എസ്‌യുവികൾ ബ്രാൻഡിന്റെ പുതിയ ട്വിൻ പീക്ക്‌സ് ലോഗോയോടെ അവതരിപ്പിക്കും. പുതുക്കിയ മോഡലുകൾ ഡീലർഷിപ്പുകളിൽ എത്തിത്തുടങ്ങി. എസ്‌യുവികളുടെ ഡിസൈൻ, ഇന്റീരിയർ, ഫീച്ചറുകൾ എന്നിവ മാറ്റമില്ലാതെ തുടരും. XUV300-ൽ യഥാക്രമം 200Nm-ൽ 110bhp-യും 300Nm-ൽ 117bhp-യും നൽകുന്ന 1.2L ടർബോ പെട്രോൾ, 1.5L ഡീസൽ എഞ്ചിനുകൾ എന്നിവയുണ്ട്. അതേസ,മയം ബൊലേറോയിൽ 210 എൻഎം 75 ബിഎച്ച്പി ഉൽപ്പാദിപ്പിക്കുന്ന 1.5 എൽ ഡീസൽ എഞ്ചിനാണ് ഉപയോഗിക്കുന്നത്.
