പാലക്കാട്: അട്ടപ്പാടി ഷോളയൂരിൽ കാട്ടാനയുടെ ആക്രമണത്തിൽ ആദിവാസി യുവാവ് കൊല്ലപ്പെട്ടു. ഊത്തുകുഴി ഊരിലെ ലക്ഷ്മണിനെയാണ് കാട്ടാന അടിച്ചുകൊന്നത്. വീടിന് മുന്നിൽ വച്ചാണ് ആക്രമണമുണ്ടായത്.
ഇന്ന് പുലർച്ചെ അഞ്ച് മണിക്ക് ലക്ഷ്മണൻ വീടിന് പുറത്തേക്കിറങ്ങിയപ്പോഴാണ് ആക്രമണമുണ്ടായത്. ജോലി ആവശ്യങ്ങൾക്ക് വേണ്ടി തയ്യാറെടുക്കാനായി വീട്ടിന് പുറത്തേക്കിറങ്ങിയതാണ് ലക്ഷ്മൺ. ആക്രമണത്തിൽ സാരമായി പരിക്കേറ്റ യുവാവ് സംഭവസ്ഥലത്തുവച്ചുതന്നെ മരിച്ചെന്നാണ് ബന്ധുക്കൾ അറിയിച്ചത്.
