ലിജോ പെല്ലിശേരിയുടെ സംവിധാനം ചെയ്യുന്ന ‘ഡബിള് ബാരല്’ ചിത്രം ജൂലൈ 30 ന് പ്രദര്ശനത്തിനെത്തും. ഓഗസ്റ്റ് സിനിമാസിന്റെ ബാനറില് ഏറെ വ്യത്യസ്തമായ കാഴ്ചാനുഭവം ഒരുക്കുകയെന്ന ലക്ഷ്യവുമായാണ് തിയറ്ററുകളിലേക്ക് എത്തുന്നത്. ടിത്രത്തില് മലയാളം- തമിഴ് യുവതാരങ്ങള് അണിനിരക്കുന്നു എന്നതും ശ്രദ്ധേയമാണ്.
സൂപ്പര് ഹിറ്റായ ആമേന് എന്ന ചിത്രത്തിന് ശേഷം ലിജോ ജോസ് പെല്ലിശേരി ഒരുക്കുന്ന ചിത്രമാണ് ‘ഡബിള് ബാരല്’. മലയാളം ഇന്നേവരെ പരീക്ഷിക്കാത്ത ഒരു കോമ്പിനേഷനാണ് ഈ ചിത്രത്തില് പരീക്ഷിക്കുന്നത്.
ആക്ഷന്-കോമഡി-ത്രില്ലര്-ഹൊറര് കഥാപാത്രങ്ങള്ക്ക് കാര്ട്ടൂണ് കഥാപാത്രങ്ങളുടെ പേര്, വ്യത്യസ്തമായ വേഷ ഭൂഷാദികള്. ഗോവയിലാണ് ചിത്രീകരണം.
പ്രിഥ്വിരാജ്, ഇന്ദ്രജിത്, ആര്യ, ആസിഫലി, സണ്ണി വെയ്ന്, സ്വാതി റെഡ്ഢി, ഇഷ ഷെര്വാണി, രചന എന്നിവരാണ് പ്രധാന വേഷങ്ങളില് അഭിനയിക്കുന്നത്.
