ഭവന രഹിതര്‍ക്ക് താത്കാലിക താമസമൊരുക്കണം: സുപ്രീം കോടതി

ന്യൂഡല്‍ഹി: രാജ്യത്തെ ഭവനരഹിതര്‍ക്ക് താത്കാലിക താമസ സൗകര്യമൊരുക്കണമെന്ന് സുപ്രീം കോടതി. കേന്ദ്ര, സംസ്ഥാന സര്‍ക്കാരുകള്‍ ഇതിന് വേണ്ട നടപടി സ്വീകരിക്കണം. കേന്ദ്രം സംസ്ഥാനങ്ങളിലെ ചീഫ് സെക്രട്ടറിമാരുടെ യോഗം 10 ദിവസത്തിനകം വിളിച്ച് വിഷയത്തില്‍ നടപടി സ്വീകരിക്കണമെന്നും കോടതി ഉത്തരവിട്ടു. ചീഫ് ജസ്റ്റിസ് എച്ച്.എല്‍.ദത്തു അധ്യക്ഷനായ മൂന്നംഗ ബെഞ്ചാണ് സുപ്രധാന വിധി പുറപ്പെടുവിച്ചത്. വിഷയത്തില്‍ എന്ത് നടപടി സ്വീകരിച്ചിട്ടുണ്‌ടെന്ന് മൂന്നാഴ്ചയ്ക്കകം അറിയിക്കാന്‍ സുപ്രീം കോടതി ഉത്തരവിട്ടിട്ടുണ്ട്.