നെടുമങ്ങാട്: കഞ്ചാവ് വില്പന നടത്തിയതിന് മുന് ദേശീയ ഗുസ്തി താരം അറസ്റ്റില്. വിളപ്പില് ചൊവ്വള്ളൂര് കിണറ്റിള വീട്ടില് ശങ്കറിനെയാണ് (31) അറസ്റ്റ് ചെയ്തത്. ഇയാളില് നിന്ന് ഒരു കിലോ 200 ഗ്രാം കഞ്ചാവ് പൊലീസ് പിടികൂടി.
ഭായി എന്ന കോഡ് ഭാഷ ഉപയോഗിച്ച് മൊബൈല് ഫോണില് ബന്ധപ്പെട്ടാല് ആവശ്യക്കാര്ക്ക് സ്ഥലത്ത് ബൈക്കില് കഞ്ചാവ് എത്തിച്ചു കൊടുക്കും. രണ്ടു വര്ഷങ്ങള്ക്ക് മുമ്പാണ് ഇയാള് കഞ്ചാവ് വില്പന ആരംഭിച്ചത്.
തിരുവനന്തപുരം റൂറല് ജില്ലാ പൊലീസ് മേധാവിയുടെ സ്പെഷല് ഡ്രൈവിന്റെ ഭാഗമായി നെടുമങ്ങാട് ഡിവൈഎസ്പി എം. സെയ്ബുദ്ദീന്റെ നിര്ദേശാനുസരണം നെടുമങ്ങാട് സിഐ ആര്.വിജയന്, എസ്ഐ അജയകുമാര് സ്പെഷ്യല് സ്ക്വാഡിലെ എഎസ്ഐമാരായ സലിം, മഹേഷ് കുമാര് എസ്സിപിഒ ഷിബു എന്നിവരുടെ നേതൃത്വത്തിലുള്ള പൊലീസ് സംഘം നെടുമങ്ങാട് കുളവിക്കോണത്ത് നിന്നാണ് പ്രതിയെ അറസ്റ്റ് ചെയ്തത്.
