ഇനി അധികം ഡാറ്റ ചെലവാകില്ല; ഫെയ്‌സ്ബുക്ക് ലൈറ്റ് പതിപ്പ് പുറത്തിറങ്ങി

ഉപയോക്താവിന് അധികം ഡാറ്റ ചെലവില്ലാതെ ഫെയ്‌സ്ബുക്ക് ഉപയോഗിക്കാനായി ഫെയ്‌സ്ബുക്കിന്റെ ലൈറ്റ് പതിപ്പ് ഇറക്കി. ഫോട്ടോകള്‍ ലോഡ് ചെയ്യുന്നതിലോ , പോസ്റ്റിങ്ങിലോ വേഗതയ്ക്ക് ഒരു കുറവും ഉണ്ടാകില്ലെന്നും ഫെയ്‌സ്ബുക്ക് സ്ഥാപകന്‍ സൂക്കര്‍ബര്‍ഗ്ഗ് പറയുന്നു.

ഇപ്പോഴും 3ജിയോ 4ജിയോ എത്താത്ത സ്ഥലങ്ങളില്‍ ഫെയ്‌സ്ബുക്കിന്റെ പുതിയ പതിപ്പ് ആപ്ലികഷനുകള്‍ ഉപയോഗിക്കുന്നവര്‍ക്ക് ചിത്രങ്ങള്‍ ലോഡ് ചെയ്യാനും, പോസ്റ്റ് ചെയ്യാനും നേരിട്ട് ബാന്റ് വിഡ്ത്ത് ശേഷിയെ ആശ്രയിക്കേണ്ടിവരും. ഇത്തരം അവസ്ഥയിലാണ് ഫെയ്‌സ്ബുക്ക് ലൈറ്റ് പതിപ്പ് മാറ്റം വരുത്തുക. നിങ്ങളുടെ ബാന്റ് വിഡ്ത്ത് ശേഷിക്ക് അനുസൃതമായി മാറ്റം വരുത്തിയാണ് ലൈറ്റ് പതിപ്പ് എത്തുന്നത്.

നേരത്തെ ഫെയ്‌സ്ബുക്ക് ഡവലപ്പേര്‍സ് കോണ്‍ഫ്രന്‍സില്‍ പ്രഖ്യാപിച്ച ഈ ആശയമാണ്. ആദ്യഘട്ടത്തില്‍ ഏഷ്യയിലാണ് ഈ പദ്ധതി ട്രയല്‍ റണ്‍ ചെയ്തത്. ഈ ആപ്ലികേഷന് ഏതാണ്ട് 1 എംബിമാത്രമാണ് വലിപ്പം, ആപ്ലികേഷന്‍ ഗൂഗിള്‍ പ്ലേ സ്റ്റോറില്‍ എത്തിയിട്ടുണ്ട്.

നിലവില്‍ ആന്‍ഡ്രോയ്ഡ് ഉപയോക്താക്കളെ ഉദ്ദേശിച്ച് മാത്രമാണ് ഈ അപ്ലികേഷന്‍ ഇറങ്ങുന്നത്. 2000, 3000 വിലയുള്ള സ്മാര്‍ട്ട് ഫോണുകള്‍ സജീവമാകുന്നതോടെ സാധാരണക്കാരന് പോലും ഉപയോഗിക്കാന്‍ കഴിയുന്ന തരത്തില്‍ ഫെയ്‌സ്ബുക്ക് മൊബൈല്‍ പതിപ്പ് ലളിതമാക്കുക എന്നതിന്റെ ഭാഗമായാണ് പുതിയ നീക്കം.

Top