ആഗോള തലത്തിൽ ബിസിനസ് ആപ്പ് അവതരിപ്പിച്ചതിന് ശേഷം വാട്സ് ആപ്പ് ഇന്ത്യൻ വിപണിയിൽ പുതിയ പേയ്മെൻറ് സംവിധാനം അവതരിപ്പിക്കുന്നു. ഫെബ്രുവരി ആദ്യവാരത്തോടെ പുതിയ പദ്ധതി നടപ്പാക്കാനാണ് കമ്പനിയുടെ തീരുമാനം.
നാഷണൽ പേയ്മെൻറ് കോർപ്പറേഷൻ വികസപ്പിച്ചെടുത്ത യു.പി.ഐ അടിസ്ഥാനമാക്കിയാണ് പുതിയ ആപ്പ് പ്രവർത്തിക്കുന്നത്. ഇതിനായി കമ്പനി എസ്.ബി.ഐ, എച്ച്.ഡി.എഫ്.സി, ഐ.സി.ഐ.സി.ഐ, ആക്സിസ് തുടങ്ങിയ ബാങ്കുകളുമായി ചർച്ച നടത്തിയെന്നാണ് റിപ്പോർട്ട്. സാമ്പത്തിക ഇടപാടുകൾ പരസ്പരം എളുപ്പത്തിൽ നടത്താനുള്ള സൗകര്യം വാട്സ് ആപ്പ് പേയ്‌മെന്റിൽ ഉണ്ടാവും.
