ഇസ്താംബൂള്‍: രാജ്യത്ത് യൂബര്‍ ടാക്‌സി സംവിധാനം നിരോധിക്കുകയാണെന്ന് തുര്‍ക്കി പ്രസിഡന്റ് എര്‍ദോഗാന്‍. രാജ്യത്തെ ടാക്‌സി ഡ്രൈവര്‍മാരില്‍ നിന്നുള്ള സമ്മര്‍ദ്ദത്തെ തുടര്‍ന്നാണ് എര്‍ദോഗാന്റെ പ്രസ്താവന.
‘യൂബര്‍ ടാക്‌സി യൂറോപ്പിലേതാണ് . ഞങ്ങള്‍ക്ക് സ്വന്തമായൊരു ടാക്‌സി സംവിധാനമുണ്ട്. ഞങ്ങളുടെ കാര്യം ഞങ്ങള്‍ തീരുമാനിച്ചുകൊള്ളാം’. അദ്ദേഹം പറഞ്ഞു.
2014ല്‍ യൂബര്‍ ടാക്‌സി ആരംഭിച്ചത് മുതല്‍ തുര്‍ക്കിയില്‍ പ്രതിഷേധം ഉയര്‍ന്നിരുന്നു. യൂബറിന് നിയന്ത്രണമേര്‍പ്പെടുത്തുന്നതിനായി തുര്‍ക്കി നേരത്തെ പുതിയ നിയമം കൊണ്ടുവന്നിരുന്നു. ദീര്‍ഘകാലത്തേക്ക് തുര്‍ക്കിയുമായുള്ള ബന്ധം നിലനിര്‍ത്തുന്നതിനായി എല്ലാകാര്യങ്ങളും പരിഗണിക്കേണ്ടതുണ്ടെന്ന് നേരത്തെ നിയന്ത്രണമേര്‍പ്പെടുത്തിയപ്പോള്‍ കമ്പനി പറഞ്ഞിരുന്നു. എന്നാല്‍ എര്‍ദോഗാന്റെ പ്രസ്താവനയോട് യൂബര്‍ പ്രതികരിച്ചിട്ടില്ല.
