ഇറ്റാലിയന്‍ നിര്‍മ്മാതാക്കളായ എസ്ഡബ്ല്യുഎം പൂനെയില്‍ നടന്ന ഗ്രേറ്റ് ട്രെയില്‍ അഡ്വഞ്ചര്‍ പരിപാടിയില്‍ സൂപ്പര്‍ഡ്യൂവല്‍ T 600 നെ അവതരിപ്പിച്ചു. ഇന്ത്യയില്‍ കൈനറ്റിക് ഗ്രൂപ്പാണ് എസ്ഡബ്ല്യുഎം ബൈക്കുകളെ വില്‍ക്കുക. ആറര ലക്ഷം രൂപ എക്‌സ്‌ഷോറൂം വിലയില്‍ എസ്ഡബ്ല്യുഎം സൂപ്പര്‍ഡ്യൂവല്‍ T 600 ജൂലായ് മാസത്തോടെ വിപണിയില്‍ എത്തുമെന്നാണ് റിപ്പോര്‍ട്ട്.
ഓഫ്‌റോഡിംഗ് ശേഷിയുള്ള ഇടത്തരം ബൈക്കാണ് സൂപ്പര്‍ഡ്യൂവല്‍ T 600. പരമാവധി 54 bhp കരുത്തും 53.5 Nm torque ഉം എഞ്ചിന്‍ സൃഷ്ടിക്കും. ആറു സ്പീഡ് ഗിയര്‍ബോക്‌സാണ് പിന്‍ചക്രത്തിലേക്ക് എഞ്ചിന്‍ കരുത്ത് എത്തിക്കുക. ക്രാഷ് ഗാര്‍ഡുകള്‍, ലഗ്ഗേജ് റാക്ക്, പാനിയറുകള്‍ മുതലായ പൂര്‍ണ ആക്‌സസറികളുള്ള ബൈക്കിന്റെ ഭാരം 169 കിലോയാണ്.
