തിരുവനന്തപുരം: ഒരു കോടിരൂപ വിലമതിക്കുന്ന സര്‍ക്കാര്‍ ഭൂമി സ്വകാര്യവ്യക്തിക്കു പതിച്ചുനല്‍കിയെന്ന ആരോപണത്തില്‍ തിരുവനന്തപുരം സബ് കളക്ടര്‍ ദിവ്യ എസ് അയ്യരെ സ്ഥലം മാറ്റി. തദ്ധേശ സ്വയംഭരണ വകുപ്പിലേക്കാണ് സ്ഥലം മാറ്റം. മുഖ്യമന്ത്രിയുടെ അധ്യക്ഷതയില്‍ ഇന്നു ചേര്‍ന്ന മന്ത്രിസഭാ യോഗമാണ് തീരുമാനമെടുത്തത്.
വര്‍ക്കല ഭൂമി ഇടപാടുമായി ബന്ധപ്പെട്ട വിവാദങ്ങള്‍ക്കിടെയാണ് സ്ഥലം മാറ്റമെന്നതും ശ്രദ്ധേയമാണ്. ഭൂമി പ്രശ്‌നത്തില്‍ ദിവ്യ എസ് അയ്യര്‍ക്ക് വീഴ്ച പറ്റിയെന്ന് ലാന്‍ഡ് റവന്യൂ കമ്മീഷണര്‍ കണ്ടെത്തിയിരുന്നു. കേസില്‍ ദിവ്യയ്‌ക്കെതിരെ അന്വേഷണം നടക്കുകയാണ്.
