ന്യൂഡൽഹി: ഭീകരതയെ അവസാനിപ്പിച്ചില്ലെങ്കിൽ പ്രോ കബഡി ലീഗിൽ കളിക്കാൻ പാക്കിസ്ഥാനെ അനുവദിക്കില്ലെന്ന് കേന്ദ്രസർക്കാർ.
അടുത്ത മാസം ടൂർണമെന്റ് ആരംഭിക്കാനിരിക്കെയാണ് കേന്ദ്രസർക്കാർ നിലപാട് വ്യക്തമാക്കിയത്. ലീഗിന്റെ അഞ്ചാം സീസണ് ജൂണ് 25നാണ് ആരംഭിക്കുന്നത്. കളിക്കാരെ തെരഞ്ഞെടുക്കുന്നതിനുള്ള ലേലത്തിൽ പാക് കബഡി താരങ്ങളെയും ഉൾപ്പെടുത്തിയിട്ടുണ്ട്.
സംഘാടകർക്ക് അവരെ കളിക്കാൻ വിളിക്കാമെങ്കിലും കളത്തിലിറങ്ങാൻ അനുവദിക്കില്ല. അവർ തെരഞ്ഞെടുക്കപ്പെട്ടാലും കളിക്കണോ വേണ്ടയോ എന്ന് സർക്കാർ തീരുമാനിക്കും. ഭീകരതയിൽ നിന്നു വിട്ടുനിൽക്കാത്ത പക്ഷം പാക്കിസ്ഥാനെ പങ്കെടുപ്പിക്കാൻ കഴിയില്ല- കായിക മന്ത്രി വിജയ് ഗോയൽ വ്യക്തമാക്കി.