തിരുവനന്തപുരം: സംസ്ഥാനത്ത് പടര്‍ന്നു പിടിക്കുന്ന പകര്‍ച്ചപ്പനിയുടെ പ്രതിരോധത്തിനായി വിപുലമായ ശുചീകരണപ്രവര്‍ത്തനങ്ങളുമായി സര്‍ക്കാര്‍.
പനി പടരുന്നത് തടയാനുള്ള നടപടികള്‍ ചര്‍ച്ച ചെയ്യാന്‍ 23ന് സര്‍വ്വകക്ഷിയോഗം വിളിച്ചുച്ചേര്‍ക്കുമെന്ന് മുഖ്യമന്ത്രി പിണറായി വിജയന്‍ അറിയിച്ചു.
27മുതല്‍ സംസ്ഥാന വ്യാപകമായി ത്രിദിന ശുചീകരണ യജ്ഞം നടത്തും, രാഷ്ട്രീയ പാര്‍ട്ടികളടക്കം എല്ലാവരും ശുചീകരണ പ്രവര്‍ത്തനങ്ങള്‍ക്ക് മുന്നിട്ടിറങ്ങണമെന്നും മുഖ്യമന്ത്രി അറിയിച്ചു.
പ്രധാന മന്ത്രിക്ക് കൊച്ചിയില്‍ തീവ്രവാദഭീഷണിയുണ്ടായിരുന്നതായി അദ്ദേഹം പറഞ്ഞു. എറണാകുളം പുതുവൈപ്പിനില്‍ ഐ.ഒ.സി പ്ലാന്റിനെതിരെ നടന്ന സമരത്തെക്കുറിച്ചുള്ള അഭിപ്രായം ചര്‍ച്ചയ്ക്ക് ശേഷമെന്നും മുഖ്യമന്ത്രി വാര്‍ത്താസമ്മേളനത്തില്‍ വ്യക്തമാക്കി.
