ബെക്കന്ഹാം: ക്രിക്കറ്റ് ലോകത്തെ കരുത്തരായ ശ്രീലങ്കയെ കുഞ്ഞന് ടീം സ്കോട്ലന്ഡ് അട്ടിമറിച്ചു.
ചാമ്പ്യന്സ് ട്രോഫിക്ക് മുന്നോടിയായി നടന്ന സന്നാഹമത്സരത്തിലാണ് ശ്രീലങ്കയെ സ്കോട്ലന്ഡ് അട്ടിമറിച്ചത്. ടോസ് നേടി ബാറ്റിംഗ് തെരഞ്ഞെടുത്ത ശ്രീലങ്ക 49.5 ഓവറില് 287 റണ്സിന് ഓള്ഔട്ടാകുകയായിരുന്നു.
അര്ധ സെഞ്ചുറി നേടിയ ചണ്ഡീമൽ(79), കപുഗേന്ദ്ര(71), കൗശിക് പെരേര(57) എന്നിവരാണ് ശ്രീലങ്കന് നിരയില് പിടിച്ചുനിന്നത്.
മറുപടി ബാറ്റിംഗിനിറങ്ങിയ സ്കോട്ട്ലന്ഡ് 42.5 ഓവറില് വിജയലക്ഷ്യം മറികടക്കുകയായിരുന്നു. സെഞ്ചുറി നേടിയ ക്രോസും (106*) കോട്ടസെറും (118) ആണ് വിജയശിൽപികൾ.