കൂടുതല്‍ ഇന്റേണല്‍ സ്റ്റോറേജുമായി സാംസങ്ങ് ; മൈക്രോ എസ്ഡി കാര്‍ഡുകള്‍ ഓര്‍മ്മയാകും

Samsung

സംഭരണശേഷിയുടെ കാര്യത്തില്‍ എല്ലാവര്‍ക്കും സ്വീകാര്യമായതും ആവശ്യത്തിന് ഇന്റേണല്‍ സ്റ്റോറേജ് മികവുമായി സാംസങ് ഹാന്‍ഡ്‌സെറ്റുകള്‍ ഇറങ്ങുന്നു.

ലോകത്തെ ആദ്യത്തെ 512GB എംബെഡെഡ് യൂണിവേഴ്‌സല്‍ ഫ്‌ലാഷ് സ്റ്റോറേജ് (eUFS) സാംസങ് നിര്‍മ്മിച്ചു തുടങ്ങി.

അടുത്ത വര്‍ഷത്തെ മുന്‍നിര സാംസങ് ഹാന്‍ഡ്‌സെറ്റുകള്‍ക്കെല്ലാം ഈ വര്‍ഷത്തേക്കാള്‍ ഇരട്ടി സംഭരണ ശേഷിയുണ്ടാകുമെന്ന് കമ്പനി പറയുന്നു.

പുതിയ ഇന്റേണല്‍ മെമ്മറിക്ക് സെക്കന്‍ഡില്‍ 255MB ഡേറ്റ റൈറ്റ് സ്പീഡും, 860MB റീഡ് സ്പീഡും ഉണ്ടായിരിക്കുമെന്നതും സവിശേഷതയാണ്‌.

5GBയുള്ള ഒരു വിഡിയോ ക്ലിപ് കേവലം 6 സെക്കന്‍ഡുകൊണ്ട് പകര്‍ത്തിയെടുക്കാം. സാധാരണ മൈക്രോഎസ്ഡി കാര്‍ഡിനേക്കാള്‍ എട്ടിരട്ടി വേഗമായിരിക്കും സാംസങ്ങിന്റെ പുതിയ ഇന്റേണല്‍ സ്റ്റോറേജിനെന്നതും പ്രത്യേകതയാണ്.

ഇതിന്റെ ഭാഗമായി വരും വര്‍ഷങ്ങളില്‍ മൈക്രോ എസ്ഡി കാര്‍ഡുകള്‍ ഓര്‍മ്മയാകും എന്നാണ് കമ്പനിയുടെ വാദം.

Top