കൊച്ചി: ക്രിക്കറ്റ് ഇതിഹാസം സച്ചിൻ തെണ്ടുൽക്കറിനെക്കുറിച്ചുള്ള സിനിമയ്ക്ക് കേരളത്തിൽ നികുതിയിളവ് നൽകും. സച്ചിൻ എ ബില്യണ് ഡ്രീംസ് എന്ന പേരിലാണ് ചിത്രം ഇറങ്ങുന്നത്.
നിർമാതാവ് രവി ഭഗ്ചന്ദ്കയാണ് ഇക്കാര്യം അറിയിച്ചത്. കേരളത്തിനു പുറമെ ഛത്തീസ്ഗഡിലും സിനിമയ്ക്ക് നികുതിയിളവ് അനുവദിച്ചിട്ടുണ്ട്.
സംസ്ഥാന സർക്കാരിന്റെ ഈ സ്വാഗതാർഹമായ നീക്കത്തിന് നന്ദിയുണ്ടെന്ന് കാർണിവൽ പിക്ചേഴ്സിന്റെ പ്രൊഡ്യൂസർ ശ്രീകാന്ത് ഭാസി പറഞ്ഞു.
മേയ് 26നാണ് ചിത്രം പ്രദർശനത്തിനെത്തുന്നത്.