ഓപ്പോ റിയല്‍ മി 1 ഫോണിന്റെ 4 ജിബി 64 ജിബി മോഡല്‍ വില്‍പനയ്‌ക്കെത്തി. 10990 രൂപയാണ് ഫോണിന് വില വരുന്നത്. ആമസോണ്‍ വഴി മാത്രമാണ് ഫോണ്‍ വാങ്ങാന്‍ സാധിക്കുകയുള്ളു. ആദ്യം വിപണിയില്‍ 6 ജിബിറാം 128 ജിബി മെമ്മറി മോഡലും 3 ജിബി റാം 32 ജിബി മെമ്മറി മോഡലും റിയല്‍ മി 1 അവതരിപ്പിച്ചിരുന്നു.
6ജിബിയുടെ 128 ജിബി മെമ്മറിയുള്ള മോഡലിന് 13,990 രൂപയാണ് വിലയിട്ടിരിക്കുന്നത്. 3 ജിബി റാമുള്ള 32 ജിബി മെമ്മറിയുള്ള മോഡലിന് 8,990 രൂപയുമാണ് വില. ഒക്റ്റാ കോര്‍ മീഡിയ ടെക് Helio P60 SoC പ്രൊസസര്‍ ആണ് ഫോണിനുള്ളത്. കളര്‍ ഒഎസ് 5.0 അധിഷ്ഠിത ആന്‍ഡ്രോയ്ഡ് 8.1 ഓറിയോ ആണ് ഫോണിന്റെ സോഫ്റ്റ്വെയര്‍.
പിറകിലും മുന്‍ഭാഗത്തും ഓരോ ക്യാമറകള്‍ വീതമാണ് ഓപ്പോ Realme 1ന് ഉള്ളത്. പിറകില്‍ 13 മെഗാപിക്‌സല്‍ ക്യാമറയും മുന്‍വശത്ത് 8 മെഗാപിക്‌സല്‍ ക്യാമറയുമാണ് ഫോണിനുള്ളത്. മൂണ്‍ ലൈറ്റ് സില്‍വര്‍ സ്‌പെഷ്യല്‍ കളര്‍ എഡിഷനില്‍ ആണ് ഈ മോഡല്‍ ലഭ്യമാകുക. 3410mAh ബാറ്ററിയാണ് ഫോണ്‍ നല്‍കുന്നത്. എന്നാല്‍ ഇത് അഴിക്കാന്‍ പറ്റാത്ത തരത്തിലുള്ള ബാറ്ററി ആയിരിക്കും. 156×75.3×7.8mm ആണ് ഫോണിന്റെ അളവുകള്‍ വരുന്നത്. ഭാരം 158 ഗ്രാമും. ഫോണ്‍ ബോര്‍ഡില്‍ AI അധിഷ്ഠിത ബോര്‍ഡും ഉള്‍ക്കൊള്ളിച്ചിട്ടുണ്ട് എന്നും ഓപ്പോ പറയുന്നു.
