സോഷ്യല്‍മീഡിയും ടെക് ലോകവും ഇപ്പോള്‍ മുഖ്യ ചര്‍ച്ചാ വിഷയമാക്കിയിരിക്കുന്നത് നോക്കിയയെക്കുറിച്ചാണ്. സ്മാര്‍ട്ട്‌ഫോണ്‍ വിപണി ഒന്നടങ്കം നോക്കിയ വാര്‍ത്തകള്‍ക്കായി കാതോര്‍ത്തിരിക്കുകയുമാണ്.
ഫിന്നിഷ് കമ്പനിയായ എച്ചം എം ഡി ഗ്ലോബല്‍ പുതിയ നാലു ഹാന്‍ഡ്‌സെറ്റുകള്‍ പുറത്തിറക്കാന്‍ ഒരുങ്ങുന്നു എന്നാണ് പുതിയ റിപ്പോര്‍ട്ട്. ഈ മാസം അവസാനം നടക്കുന്ന മൊബൈല്‍ വേള്‍ഡ് കോണ്‍ഗ്രസിലായിരിക്കും ഇവ ആദ്യമായി പരിചയപ്പെടുത്തുക.
നോക്കിയ 5, നോക്കിയ 3 എന്നീ പേരുകളില്‍ രണ്ടു ആന്‍ഡ്രോയ്ഡ് 7.0 നൂഗട്ട് ഡിവൈസുകള്‍ കൂടി പുതുതായി അവതരിപ്പിച്ചേക്കുമെന്ന് പറയപ്പെടുന്നു. കൂടാതെ നോക്കിയ 6 ന്റെ ഒരു ഗ്ലോബല്‍ വേര്‍ഷനും ഉണ്ടായിരിക്കുമെന്നാണു കരുതുന്നത്.
2000ല്‍ റിലീസ് ചെയ്ത നോക്കിയ 3310 വീണ്ടും ഈ വേദിയില്‍ത്തന്നെ അവതരിപ്പിക്കപ്പെടും എന്നാണു കരുതുന്നത്. എന്നാല്‍ നോക്കിയയുടെ ഫ്‌ലാഗ്ഷിപ് ഫോണായ നോക്കിയ ജ1 നെക്കുറിച്ച് കൂടുതല്‍ വിവരങ്ങള്‍ ലഭ്യമല്ല.
പി1 ല്‍ സ്‌നാപ്ഡ്രാഗന്‍ 835 പ്രോസസര്‍ ഉണ്ടായിരിക്കും എന്നതല്ലാതെ കൂടുതല്‍ വിവരങ്ങള്‍ വ്യക്തമല്ല.ചൈനയില്‍ മാത്രം അവതരിപ്പിച്ച നോക്കിയ 6 നൊപ്പമായിരിക്കും ഈ ഫോണുകള്‍ പുറത്തിറക്കുക എന്നത് മാത്രമാണ് ഇപ്പോള്‍ അറിയാന്‍ സാധിക്കുന്നത്.യൂറോപ്പില്‍ എന്തായാലും ഈ ഫോണിന്റെ വരവ് പരസ്യമായിക്കഴിഞ്ഞു. 5.5 ഇഞ്ച് ഫുള്‍ എച്ച്ഡി ഡിസ്‌പ്ലെ, സ്‌നാപ്ഡ്രാഗന്‍ 430 പ്രോസസര്‍, 4ജിബി റാം, 16 മെഗാപിക്‌സല്‍ റിയര്‍ ക്യാമറ എന്നിവയാണ് ഇവയുടെ പ്രധാന പ്രത്യേകതകള്‍.
നോക്കിയ 5 നാകട്ടെ 5.2 എച്ച്ഡി (720ു) ഡിസ്‌പ്ലെ, 2 ഏആ ഞഅങ, 12 മെഗാപിക്‌സല്‍ റിയര്‍ ക്യാമറ എന്നിവയായിരിക്കും പ്രധാന പ്രത്യേകതകള്‍. വില ഏകദേശം 14,137 രൂപയാണ് പ്രതീക്ഷിക്കുന്നത്. നോക്കിയ 6 ന്റെ വില ഏകദേശം 17,689 രൂപയും നോക്കിയ 3യുടേത് 10,585 രൂപയുമാണ് പ്രതീക്ഷിക്കപ്പെടുന്നത്.
അടിസ്ഥാന സൗകര്യങ്ങള്‍ മാത്രമുള്ള ഫീച്ചര്‍ ഫോണുകള്‍ ഇന്ത്യ, പാക്കിസ്ഥാന്‍ തുടങ്ങി രാജ്യങ്ങളില്‍ വീണ്ടും കൂടുതല്‍ പേര്‍ ഉപയോഗിച്ച് തുടങ്ങുന്നുണ്ട്. ഈ ശ്രേണിയിലേയ്ക്ക് നോക്കിയ പുനരവതരിപ്പിക്കുന്ന ഫോണാണ് നോക്കിയ 3310. കൂടുതല്‍ നേരം ബാറ്ററി നിലനില്‍ക്കുന്ന ഈ ഫോണിന്റെ വില ഏകദേശം 4192 രൂപയാണ് പ്രതീക്ഷിക്കുന്നത്.
സ്മാര്‍ട്ട്‌ഫോണ്‍ വിപണിയിലേയ്ക്ക് തിരിച്ചുവരവിനൊരുങ്ങുന്ന നോക്കിയ ഇതിന്റെ മുന്നോടിയായി ഈ മാസം 26 ന് പ്രസ് ഇവന്റ് നടത്തും. വരാന്‍ പോകുന്ന ഫോണുകളുടെ കൂടുതല്‍ വിവരങ്ങള്‍ കമ്പനി അപ്പോള്‍ വെളിപ്പെടുത്തുമെന്ന് പ്രതീക്ഷിക്കുന്നു. ഇന്ത്യന്‍ വിപണി തങ്ങളുടെ പ്രധാന പ്രതീക്ഷാ കേന്ദ്രമാണെന്ന് എച്ച്എംഡി ഗ്ലോബല്‍ മേധാവി പറഞ്ഞു.
