ഉപയോഗിക്കാന്‍ എളുപ്പത്തില്‍ പുതിയ മാറ്റങ്ങളുമായി ഗൂഗിള്‍ ക്രോം ആന്‍ഡ്രോയിഡ് ബ്രൗസര്‍

ഗൂഗിള്‍ ക്രോം ആന്‍ഡ്രോയിഡ് ബ്രൗസറില്‍ പുതിയ മാറ്റങ്ങളുമായി ഗൂഗിള്‍. ബ്രൗസറിലെ അഡ്രസ് ബാര്‍ താഴേക്കു മാറുന്നു എന്നതാണ് ഗൂഗിളിലെ പുതിയ മാറ്റം.

മൊബൈല്‍ ഉപയോക്താക്കളുടെ സൗകര്യം കണക്കിലെടുത്താണ് വെബ്‌സൈറ്റ് വിലാസം കാണിച്ചിരുന്ന അഡ്രസ് ബാര്‍ മുകളില്‍ നിന്നു താഴേക്കു മാറുന്നത്.

വിരലെത്തുന്നിടത്തേയ്ക്ക് അഡ്രസ് ബാര്‍ വരുന്നതോടെ ബ്രൗസിങ് കുടുതല്‍ ലളിതമാകുമെന്നാണ് അധികൃതര്‍ പറയുന്നത്.

കഴിഞ്ഞ ഒക്ടോബറില്‍ പരീക്ഷിച്ചു തുടങ്ങിയ മാറ്റം ക്രോം ഡെവലപര്‍ വേര്‍ഷനിലാണ് ഇപ്പോള്‍ അവതരിപ്പിച്ചിരിക്കുന്നത്.

ക്രോമിന്റെ ഔദ്യോഗിക വേര്‍ഷനില്‍ ഏതാനും അപ്‌ഡേറ്റുകള്‍ക്കു ഈ മാറ്റം പ്രതീക്ഷിക്കാം.

Top