മൈക്രോമാക്‌സ് ഇവോക്ക് ഡ്യുവല്‍ നോട്ട് വിപണിയില്‍ ഉടനെത്തും

മൈക്രോമാക്‌സിന്റെ പുതിയ മോഡല്‍ ഇവോക് ഡ്യുവല്‍ നോട്ട് വിപണിയിലെത്തുന്നു. ആന്‍ഡ്രോയിഡ് ന്യൂഗട്ടില്‍ പ്രവര്‍ത്തിക്കുന്ന ഫോണിന് ഡ്യുവല്‍ ക്യാമറയാണുണ്ടാവുക.

ഓഗസ്റ്റ് 22 മുതല്‍ ഫ്‌ലിപ്കാര്‍ട്ടില്‍ നിന്നും ഇവോക് ഡ്യുവല്‍ നോട്ട് വാങ്ങുവാന്‍ സാധിക്കും. 9,999 രൂപയാണ് ഫോണിന്റെ വില.

സോണി ഐഎംഎക്‌സ് 208 ലെന്‍സിന്റെ 13 മെഗാ പിക്‌സല്‍ ക്യാമറയും, 5 മെഗാപിക്‌സലിന്റെ മറ്റൊരു ക്യാമറയുമാണ് ഫോണിന്റെ പിന്‍ വശത്തുള്ളത്. കൂടാതെ ഫോണിന് 5 മെഗാപിക്‌സലിന്റെ ഫ്രണ്ട് ക്യാമറയും ഉണ്ട്.

1920 x 1080 പിക്‌സല്‍ റെസലൂഷന്‍ ഉള്ള 5.5 ഇഞ്ച് ഫുള്‍ എച്ച്.ഡി ഡിസ്‌പ്ലേ, മീഡിയാടെക് എം ടി 6750 ഒക്ടാകോര്‍ പ്രോസസര്‍, 32 ജിബി ഇന്റേണല്‍ സ്റ്റോറേജ്, 4 ജിബി 3 ജിബി റാമിന്റെ രണ്ട് പതിപ്പുകള്‍, 64 ജിബി വരെ വര്‍ധിപ്പിക്കാവുന്ന എസ് ഡി കാര്‍ഡ് സൗകര്യം, 3000 മില്ലി ആമ്പിയറിന്റെ ബാറ്ററി, ബ്ലൂടൂത്ത് , വൈഫൈ , ഡ്യൂവല്‍ സിം , ചാര്‍ജിങിനായി ടൈപ്പ് സി യുഎസ്ബി പോര്‍ട്ട്, ജിപിഎസ് എന്നിവയെല്ലാം ഫോണിന്റെ പ്രത്യേകതകളാണ്‌

ഗോള്‍ഡ്, പ്രഷ്യന്‍ ബ്ല്യൂ എന്നീ രണ്ടു നിറങ്ങളില്‍ ഇവോക് ഡ്യുവല്‍ നോട്ട് ലഭ്യമാവും.

Top