ഇന്ത്യന്‍ സ്മാര്‍ട്‌ഫോണ്‍ നിര്‍മാതാക്കളായ മൈക്രോമാക്‌സ് ഏറ്റവും പുതിയ സ്മാര്‍ട്‌ഫോണ്‍ കാന്‍വാസ് 2 പ്ലസ് പുറത്തിറക്കി. 18:9 അനുപാതത്തില്‍ 480×854 പിക്‌സല്‍ റസല്യൂഷനിലുള്ള 5.0 ഇഞ്ച് സ്‌ക്രീന്‍, 8 മെഗാപിക്‌സല്‍ സെല്‍ഫി ക്യാമറ, 13 മെഗാപിക്‌സല്‍ റിയര്‍ ക്യാമറ, ഫെയ്‌സ് അണ്‍ലോക്ക് ഫീച്ചര്‍, ഫിങ്കര്‍പ്രിന്റ് സെന്‍സര്‍, 3 ജിബി റാം, 32 ജിബി ഇന്റേണല്‍ സ്റ്റോറേജ് എന്നിവയാണ് ഫോണിന്റെ സവിശേഷതകള്‍. 8,999 രൂപയാണ് വില.
ഉപയോക്താക്കളുടെ ആവശ്യപ്പെടുന്ന ഇന്‍ഫിനിറ്റി സ്‌ക്രീന്‍, ഫെയ്‌സ് അണ്‍ലോക്ക്, ആകര്‍ഷകമായ ബാറ്ററി എന്നീ സൗകര്യങ്ങളോടെയാണ് തങ്ങള്‍ കാന്‍വാസ് 2 പ്ലസ് സ്മാര്‍ട്‌ഫോണുമായി എത്തുന്നതെന്ന് മൈക്രോമാക്‌സ് ഇന്‍ഫോമാറ്റിക്‌സ് കൊ ഫൗണ്ടര്‍ വികാസ് ജെയ്ന്‍ പറഞ്ഞു.
ആന്‍ഡ്രോയിഡ് ന്യൂഗട്ട് 7.0 ല്‍ പ്രവര്‍ത്തിക്കുന്ന ഫോണില്‍ 4000 mAh ബാറ്ററിയാണുള്ളത്. 1.3 GHz ക്വാഡ് കോര്‍ പ്രൊസസറാണ് ഫോണില്‍. എല്ലാ റീടെയില്‍ ഔട്ട്‌ലെറ്റിലും ഫോണ്‍ ലഭ്യമാവും.
