സംവിധായകന്‍ കമലിന്റെ അസിസ്റ്റന്റ് അല്‍ത്താഫ് റഹ്മാന്‍ സംവിധാനം ചെയ്യുന്ന ചിത്രത്തില്‍ മംമ്ത മോഹന്‍ദാസ് നായികയാവുന്നു. നീലി എന്ന് പേരിട്ടിരിക്കുന്ന ചിത്രത്തില്‍ അനൂപ് മേനോനാണ് മംമ്തയുടെ നായകനാകുന്നത്. ചിത്രത്തിന്റെ ഷൂട്ടിംഗ് തൃശൂരില്‍ തുടങ്ങി. ബാബുരാജ്, മറിമായം ശ്രീകുമാര്‍, സിനില്‍ സൈനുദ്ദീന്‍ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഹൊറര്‍ കോമഡിയായി ഒരുക്കുന്ന ചിത്രം സ്ത്രീപക്ഷത്ത് നില്‍ക്കുന്നതാണെന്നാണ് സൂചന. റിയാസ് മാരത്തും മുനീര്‍ മുഹമ്മദുണ്ണിയും ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. സണ്‍ ആഡ്‌സ് ആന്‍ഡ് ഫിലിംസ് പ്രൊഡക്ഷന്‍സിന്റെ ബാനറില്‍ ഡോ. സുന്ദര്‍ മേനോനാണ് ചിത്രം നിര്‍മ്മിക്കുന്നത്. ചിത്രം ഡിസംബറില്‍ തീയേറ്ററുകളിലെത്തും.
