മലയാളത്തിന്റെ പ്രിയപ്പെട്ട എഴുത്തുകാരി മാധവിക്കുട്ടിയുടെ ജീവിതത്തെ ആസ്പദമാക്കി ഒരുക്കുന്ന ചിത്രം ‘ആമി’ ക്രിസ്മസിന് തിയേറ്ററുകളിലെത്തുന്നു.
ചിത്രം ക്രിസ്മസിന് തിയേറ്ററില്‍ എത്തിക്കാനാകുമെന്ന് സംവിധായകന്‍ കമല്‍ തന്നെയാണ് വ്യക്തമാക്കിയത്.
കമല്‍ സംവിധാനം ചെയ്യുന്ന ചിത്രത്തില്‍ ആമിയായി വേഷമിടുന്നത് മഞ്ജു വാര്യരാണ്.
നവംബര്‍ ആറിന് അവസാന ഷെഡ്യൂള്‍ കൊച്ചിയില്‍ ആരംഭിക്കും. നേരത്തെ ഇതിന്റെ ചിത്രീകരണം ഒറ്റപ്പാലം, കൊല്‍ക്കത്ത എന്നിവിടങ്ങളില്‍ നടന്നിരുന്നു.
പ്രേഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ആമി. സംവിധായകന്‍ കമല്‍ തന്നെയാണ് ചിത്രത്തിന്റെ രചനയും നിര്‍വഹിച്ചിരിക്കുന്നത്.
മധു നീലകണ്ഠനാണ് കാമറ കൈകാര്യം ചെയ്യുന്നത്. ഗുല്‍സാറിന്റെയും, റഫീക്ക് അഹമ്മദിന്റെയും രചനയ്ക്ക് എം. ജയചന്ദ്രനും തൗഫീക്ക് ഖുറേഷിയും ചേര്‍ന്നാണ് സംഗീതം ഒരുക്കുന്നത്.
