മമ്മൂട്ടി ചിത്രം ഒരു കുട്ടനാടന് ബ്ലോഗിന്റെ പ്രൊമോഷനായി തയാറാക്കിയ ബ്രോ സോംങ് വിഡിയോ പുറത്തിറങ്ങി. ഉണ്ണി മുകുന്ദനാണ് ഗാനം ആലപിച്ചിരിക്കുന്നത്. ശ്രീനാഥ് ശിവശങ്കരന് വരികളെഴുതി സംഗീതം നല്കിയിരിക്കുന്നത്. തിരക്കഥാകൃത്ത് സേതുവാണ് ചിത്രം സംവിധാനം ചെയ്യുന്നത്.
കുട്ടനാട്ടിലെ ഒരു സാങ്കല്പ്പിക ഗ്രാമത്തിലുള്ള ഹരി എന്നയാളുടെ കഥയാണ് ചിത്രം പറയുന്നത്. സിദ്ദിഖ്, നെടുമുടി വേണു, സഞ്ജു ശിവറാം, ലക്ഷ്മി റായ്, അനു സിത്താര, ഷംന കാസിം എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. സണ്ണി വെയ്നും ചിത്രത്തില് പ്രധാന വേഷത്തിലെത്തുന്നുണ്ട്. ബ്ലോഗറുടെ വേഷത്തിലാണ് സണ്ണി വെയ്ന് എത്തുന്നത്.
പ്രദീപാണ് ചിത്രത്തിന്റെ ഛായാഗ്രാഹണം നിര്വ്വഹിക്കുന്നത്. ശ്രീനാഥാണ് സംഗീത സംവിധാനം നിര്വ്വഹിക്കുന്നത്. പശ്ചാത്തല സംഗീതം ബിജിപാല്. മെമ്മറീസിന് ശേഷം അനന്ത വിഷന്റെ ബാനറില് പി മുരളീധരനും ശാന്താ മുരളീധരനുമാണ് ചിത്രം നിര്മ്മിക്കുന്നത്.