സൗദിയില്‍ നിയമ ലംഘകരുടെ എണ്ണം വര്‍ധിക്കുന്നു ; രാജ്യത്ത് ശക്തമായ പരിശോധന

saudi indian people

റിയാദ്: സൗദിയില്‍ നിയമലംഘകരുടെ എണ്ണം വര്‍ധിക്കുന്നതിന്റെ ഭാഗമായി ശക്തമായ പരിശോധനയുമായി സര്‍ക്കാര്‍. നിയമം ലംഘിച്ച് ഇതുവരെ പിടിയിലായത് എട്ടര ലക്ഷം പേരാണ്. അറസ്റ്റിലായവരില്‍ ആറ് ലക്ഷത്തോളം പേര്‍ ഇഖാമ നിയമലംഘകരും ഇതില്‍ രണ്ടായിരത്തില്‍ താഴെ പേര്‍ ഇന്ത്യക്കാരുമാണ്.

നിലവില്‍ സൗദിയുടെ 13 പ്രവിശ്യകളിലാണ് പരിശോധന നടക്കുന്നത്. സൗദിയിലെ എല്ലാ പ്രധാന മേഖലകളിലും നിയമം ലംഘിക്കുന്നവരെയും അതിന് സഹായിക്കുന്നവരെയും പിടികൂടാന്‍ പരിശോധന ശക്തമാക്കിയിരിക്കുകയാണ്. രാജ്യത്തെ നിയമലംഘകരെ ഒഴിവാക്കി നിയമലംഘകരില്ലാത്ത രാജ്യമാക്കി മാറ്റുക എന്ന ഉദ്ദേശത്തോടെയാണ് പരിശോധന നടക്കുന്നത്. രണ്ട് ലക്ഷത്തിലേറെ പേരെ ഇതിനകം സൗദിയില്‍ നിന്ന് കയറ്റി അയച്ചിട്ടുണ്ട്.

Top