കൊച്ചി: മഹാരാജാസ് കോളേജിലെ എസ്എഫ്ഐ പ്രവര്ത്തകന് അഭിമന്യുവിന്റെ കൊലപാതകം ഒറ്റപ്പെട്ട സംഭവമായി കാണാന് കഴിയില്ലന്ന് ഹൈക്കോടതി. ക്യാമ്പസ് രാഷ്ട്രീയത്തിന്റെ പേരില് ഇനി ഒരു ജീവന് പോകരുതെന്നും കോളേജുകളിലെ രാഷ്ട്രീയ ഇടപെടലുകള് അവസാനിപ്പിക്കണമെന്ന് ഹൈക്കോടതി. കലാലയ രാഷ്ട്രീയം നിരോധിക്കണമെന്ന ഹര്ജിയിലാണ് കോടതിയുടെ പരാമര്ശം.
സര്ക്കാര് കോളേജില് കൊല നടന്നത് ദുഃഖകരമായ കാര്യമാണെന്ന് ചീഫ് ജസ്റ്റിസ് പറഞ്ഞു. വിദ്യാര്ഥി സംഘടനകള് രാഷ്ട്രീയക്കാരുടെ ചട്ടുകമാകാന് പാടില്ല. കലാലയ രാഷ്ട്രീയം നിരോധിക്കുന്നത് സംബന്ധിച്ച് മൂന്നു തവണ മാര്ഗ നിര്ദേശം നല്കിയതാണ്. 2001ലെ വിധിക്ക് ശേഷം സര്ക്കാരുകള് എന്ത് നടപടി സ്വീകരിച്ചുവെന്നും കോടതി ചോദിച്ചു. മറുപടി നല്കാന് സര്ക്കാര് മൂന്നാഴ്ച സമയം തേടി.