ലണ്ടൻ: ഇംഗ്ലണ്ടിന്‍റെ ദേശീയ ടീം താരവും ആസ്റ്റൺവില്ല പ്രതിരോധ താരവുമായിരുന്ന യുഗോ എഹിയോഗു (44) അന്തരിച്ചു. ഹൃദയാഘാതത്തെ തുടർന്നായിരുന്നു മരണം.
വ്യാഴാഴ്ച ടോട്ടനം ട്രെയിനിംഗ് സെന്‍ററിൽവച്ച് ഹൃദയാഘാതം ഉണ്ടായതിനെ തുടർന്ന് എഹിയോഗുവിനെ ആശുപത്രിയിൽ പ്രവേശിപ്പിച്ചിരുന്നു. എന്നാൽ വെള്ളിയാഴ്ച അദ്ദേഹം മരണത്തിന് കീഴടങ്ങി. ടോട്ടനം അണ്ടർ 23 ടീമിനെ പരിശീലിപ്പിക്കുന്നതിനിടെ എഹിയോഗു കുഴഞ്ഞുവീഴുകയായിരുന്നു.
ആസ്റ്റൺവില്ലയ്ക്കായി 1991 മുതൽ 2000 വരെ ഇരുനൂറിലധികം മത്സരങ്ങളിൽ എഹിയോഗു ബൂട്ടുകെട്ടി. 94 ലും 96 ലും ആസ്റ്റൺവില്ലയെ പ്രീമിയർ ലീഗ് ചാന്പ്യൻമാരാക്കുന്നതിൽ നിർണായക പങ്കുവഹിച്ചു. 2014 മുതൽ ടോട്ടനം അണ്ടർ 23 ടീമിന്‍റെ പരിശീലകനായി ജോലിചെയ്തുവരികയായിരുന്നു.
